x
image
natia.a
"აფროამერიკელმა ქალს ტანი გაუსწორა და პირის გაღებას შეეცადა" - რა მოხდა თბილისის მეტროში
image
ფოტოგრაფი გოგა ჩანადირი სოციალურ ქსელში ერთ ამბავს ყვება, რომლის თვითმხილველიც თავად გახდა თბილისის მეტროთი მგზავრობისას:


image
"ვიჯექი მშვიდად და წიგნს ვკითხულობდი. მეტროს მატარებლის ჩაქჩაქიც კი იავნანასავით ჩამესმოდა. სადგურებზე კარი რომ გაიღებოდა, შეიძლება, გამეხედა, რომ სასურველი გაჩერება არ გამომპარვოდა. ამ დროს თვალს მოვკრავდი ხოლმე მოპირდაპირედ, დიაგონალურად მჯდარ აფროამერიკელს. მგონი, ყურსასმენიც ჰქონდა გაკეთებული. ის კი შევნიშნე, რომ ვეებერთელა ზომის ბოტასი ეცვა.

წიგნს რომ ჩავხედავდი, ყველაფერი მავიწყდებოდა. ის იყო, მატარებელი "მარჯანიშვილზე" შევიდა და წიგნიც გადავფურცლე, რომ დავინახე, ეს დიდი ბოტასები როგორ სწრაფად წამოიმართა და კარისკენ გავარდა. თვალი გავაყოლე. ჯერ გავიფიქრე, ღმერთო ჩემო, ეს რა სიმაღლის კაცია მეთქი და დავინახე კიდეც, ხალხის გროვაში როგორ ჩაიხარა. ვითარება ჩოჩქოლად შევაფასე და მატარებლიდან სასწრაფოდ გამოვედი.


ძირს დავარდნილი ქალი დავინახე. აფროამერიკელმა ტანი გაუსწორა და პირის გაღებას შეეცადა.


ბნედა აქვს - წამოიძახა ვიღაცამ.



უცხოელი გრძელი და დახვეწილი ხელებით ძლიერად ცდილობდა პირის გაღებას. ნაქსოვქუდიან გოგონას ბოთლში წყალიც აღმოაჩნდა და ყურების დაზელვა დაუწყო.
ქალი გონს მალე მოეგო. ჯერ თვალები აქეთ-იქით ატრიალა. მგონი, იმის თქმა უნდოდა, სად ვარ, ან რა ხდებაო. მერე ოდნავ წამოიწია, დაინახა მოღიმარი უცხოელი და ქართულად ჰკითხა:


- კარგად ვარ?
-ქი, დეიდა, ქარგად ხარ. მანაც ქართულად უპააუხა.
- შვილო, ვინა ხარ?
- სამუელი.
- დედა გიხუტებდეს შვილო, რა ეროვნებისა ხარ?
- დეიდა, ეროვნებას რა მნიშვნელობა აქვს? უთხრა მან, წამოდგა და ფართო ღიმილი გაისწორა.


გრძელი ბოტასები უკვე მშვიდად შევიდა ხელახლა ჩამომდგარი მატარებლის ვაგონში...


‪ადამიანისთვის‬ ეროვნებას რა მნიშვნელობა აქვს?" - წერს ფოტოგტაფი.



4
10116
8-ს მოსწონს
1-ს არა
ავტორი:natia.a
natia.a
10116
  
2016, 9 იანვარი, 21:57
სამუელის წასვლის მერე....ზოგს პორთფელი დაეკარგა....ზოგსაც მობილური ტელეფონი. გაგრძელება იქნება....
2016, 7 იანვარი, 15:26
კაი ზღაპარია ხომ იცი
2016, 7 იანვარი, 13:40
ძალიან საინტერესოა მართლაც რომ არანაირი მნიშვნელობა არ აქვს ,, გიყვარდეს მოყვასი შენი" - მთავარი პრინციპი რომელიც გადაგვარჩენს
2016, 6 იანვარი, 13:33
ჩემთვის არანაირი....რათქმაუნდა გავაზიარე ძალიან საინტერესო იყო
0 1 4