ზოგჯერ ყველასათვის ცნობილი და საყვარელი ადამიანები - მსახიობები, სპორტსმენები, მომღერლები და ა. შ. ნამდვილად გვაკვირვებენ მოულოდნელი, უცნაური და ზოგჯერ ცოტა სულელური გამონათქვამებით. ამგარი შეცდომები შეიძლება ნებისმიერ მოუვიდეს, მაგრამ, პუბლიკა მათგან ამას ყველაზე ნაკლებად ელის. ქვემოთ გთავაზობთ რამდენიმე ამგვარ გამონათქვამს:

1. "ვფიქრობ, გეი ქორწინება არის ის, რაც მამაკაცსა და ქალს შორის უნდა იყოს" არნოლდ შვარცენეგერი.

საინტერესოა, ავსტრიაში დაბადებულმა ამერიკელმა მსახიობმა, ბიზნესმენმა, პოლიტიკოსმა, ყოფილმა ბოდიბილდერმა მართლა არ იცოდა სიყვა "gay"-ს მნიშვნელობა თუ რაიმე სხვა სიტყვაში აერია?

2. "აბა, სად გაიმართება წელს კანის ფესტივალი?" - კრისტინა აგილერა.

როგორც ჩანს, 33 წლის მომღერლის პიარ სამსახური მთლად კარგად ვერ მუშაობს.

3. "მე ნამდვილად მინდა ბრუკლინის მონათვლა, მაგრამ ჯერ არ ვიცი რომელ რელიგიაზე" - დევიდ ბეკჰემი.

39 წლის ინგლისელმა ფეხბურთელმა ეს განცხადება თავისი ახალდაბადებული შვილის შესახებ გააკეთა.

4. "მოწევა კლავს. თუ მოკვდებით თქვენი სიცოცხლის ყველაზე მნიშვნელოვან ნაწილს დაკარგავთ"– ბრუკ შილდსი.

აი, ასეთ გაფრთხილებას აძლევს 49 წლის მსახიობი მწეველებს.

5. "ნამდვილად არ მახსოვს ყველა იმ კლუბის სახელი, რომლებიც მოვინახულეთ" - შაკილ ო'ნილი.

შეიძლება ეს წინადადება კონტექსტის გარეშე უაზრობად სულაც არ მოგეჩვენოთ, მაგრამ საქმე ის არის, რომ ეს იყო სპორტსმენის პასუხი შეკითხვაზე: მოინახულეთ თუ არა პანთეონი საბერძნეთში ვიზიტისას?

6. " არასოდეს მინდოდა იაპონიაში წასვლა. უბრალოდ იმიტომ, რომ თევზის ჭამა არ მიყვარს. არადა ვიცი, რომ ეს ძალიან პოპულარულია იქ, აფრიკაში." - ბრიტნი სპირსი.

32 წლის მომღერალმა კიდევ ერთხელ დაგვარწმუნა იმაში, რომ გეოგრაფიის გაკვეთილებს უფრო დიდი გულისყურით უნდა მოვეკიდოთ.

7. "საკვები ბალანსირებული დიეტის მნიშვნელოვანი ნაწილია" - ფრან ლეიბოვიცი.

ვინ წარმოიდგენდა! საინტერესო სიახლეა!

8. "უცნაური რამ მახასიათებს: თუ ვინმესთან ერთად მძინავს, თითქოს ის ჩემს კრეატიულობას ჩემივე საშოდან მართმევს" - ლედი გაგა.