საზოგადოება "ჩემი დათო გარდაიცვალა, მასთან ერთად ჩემი გულიც მოკვდა..."-დავით ჭოჭუა გარდაიცვალა. 2015, 12 დეკემბერი, 17:26  საგარეო საქმეთა სამინისტროს ამერიკის დეპარტამენტის დირექტორი, ივანე ჯავახიშვილის სახელობის თბილისის სახელმწიფო უნივერსიტეტის ლექტორი და ასევე ინტელექტუალური კლუბის "რა? სად? როდის?" წევრი დავით ჭოჭუა, 33 წლის ასაკში გულის შეტევით გარდაიცვალა. დავით ჭოჭუას მეუღლე, ნინჩო საგინაძე სოციალურ ქსელ "ფეისბუქზე" აქვეყნებს პოსტს მეუღლის გარდაცვალებასთან დაკავშირებით: "ჩემი დათო გარდაიცვალა, მასთან ერთად ჩემი გულიც მოკვდა"... "მომიკვდა ქმარიიიიიიიიიიიი"... "გული გაუსკდა გუშინ"... დავითი და ნინჩო ახალი დაქორწინებულები იყვნენ, მათ ხომ ჯერ ყველაფერი წინ ჰქონდათ...     საქართველოს საგარეო საქმეთა სამინისტროს "ფეისბუქის" ოფიციალურ გვერდზეც ვრცელდება ინფორმაცია დავით ჭოჭუას გარდაცვალების შესახებ: "ჩვენი უსაყვარლესი მეგობარი დათო ჭოჭუა აღარ არის ჩვენთან. ძალიან დაგვამძიმა ცნობამ მისი გარდაცვალების შესახებ. გამორჩეული ადამიანი, კეთილშობილი, ერთგული, უაღრესად ნიჭიერი. ყველას დაგვაკლდება - მის კოლეგებს, მეგობრებს, უამრავ სტუდენტს. ძალიან უყვარდა თავისი სამშობლო, ჩვენ დავკარგეთ კიდევ ერთი პატრიოტი, რომელიც ძალიან ბევრ კარგ საქმეს აკეთებდა თავისი ქვეყნისთვის. ნათელში იყოს მისი სული. ჩვენი ფიქრები დათოსთანაა."    ძალიან სამწუხაროა, როდესაც ასეთი ნიჭიერი და ასეთი ახალგაზრდა ადამიანი მოულოდნელად მიდის ამ ქვეყნიდან. ღმერთმა ნათელში ამყოფოს მისი სული.1898 3-ს მოსწონს 1-ს არა
|
  |
Intermedia.ge © 2011-2024 წელი
საავტორო უფლებები დაცულია
 |
