კრისტალური მდინარე

მსოფლიოში ყველაზე უჩვეულო და ლამაზი მდინარე კოლუმბიაში მდებარეობს. მას კრისტალური ჰქვია, მაგრამ ადგილობრივები, თავისებურად, «ხუთი ფერის მდინარეს» ან «მდინარე, რომელიც სამოთხედან არის გამოქცეული» ეძახიან. ადგილობრივებმა მას შესაფერისი სახელი შეურჩიეს. მდინარე მართლაც 5 ფრად არის “შეღებილი". ეს ფერებია: შავი, მწვანე, წითელი, ცისფერი და ყვითელი. ასეთი მრავალფერადოვნება, მისი წყაქვეშა ბინადრების ფერადოვნებით არის გამოწვეული.

დიდი კრისტალების მღვიმე

მღვიმე, არც თუ ისე დიდი ხნის წინ, 2000 წელს იყო აღმოჩენილი. ბუნების ეს საოცრება მექსიკაში მდებარეობს, უფრო ზუსტად, ქალაქ ჩიხუახუაში. მღვიმე 300 მ. სიღრმეზე არის განლაგებული. მასში, კრისტალების მაქსიმალური სიგრძე 15 მ-ია, ხოლო სიგანე – 1.5 მ-ი. ასეთი ზომის კრისტალების შექმნა, მხოლოს ჰაერის 100%-იანი სინოტივის და 60 გრადუსიანი ტემპერატურის პირობებში არის შესაძლებელი.

მარმარილოს მღვიმე

მარმარილოს მღვიმე ყველაზე პოპულარული ღირშესანიშნაობაა ჩილეში. მღვიმე ყველაზე ღრმა ალპურ ტბაში მდებარეობს. მისი კედლები დიდი რაოდენობით კირქვას შეიცავს, რომელიც წყლის ფონზე, ცისფერი ფერის სხვადასხვა ტონალობაში ლივლივებს. “მარმარილოს მღვიმეები” იდიალური დასასვენებელი ადგილია დაივინგის მოყვარულებისთვის.

ყვავილების ველი

ყვავილების ნაციონალური პარკი ინდოეთში, მართლაც რომ ულამაზესი ადგილია დედამიწის ზურგზე. ეს ის შემთხვევაა, როდესაც უმჯობესია, მართლაც, ერთხელ ნახოთ, ვიდრე 100-ჯერ მოისმინოთ, მისი სილამაზის შესახებ. ფერებით გაჯერებული და ხასხასა ყვავილები, თითქოს, ფანტასტიკური ჟანრის ფილმების კადრებიდან არის გადმოსული. არა და, ეს პარკი ადამიანის ჩარევის გარეშე არის შექმნილი, ყვავილების ბუნებრივი ზღვა, რომელშიც “ჩაყვინთვა" ერთი სისმოვნება არის.

ლერწმის სალამურის მღვიმე

დედამიწის ეს უმშვენიერესი ადგილი ჩინეთში მდებარეობს, გუანმინშანის მთის ფერდობზე, ქალაქ გუილინში. მღვიმეს ასეთი სახელი იმის გამო აქვს, რომ ის «ლერწმის სალამურის» საოცარი კლდის ფერდობზე მდებარეობს.

უიუნის მლაშობი

ეს ბოლივიაში მდებარე დამშრალი მარილიანი ტბის ფსკერი არის. ერთი შეხედვით, განსაკუთრებული არაფერია, მაგრამ როდესაც წვიმა ომდის, მისი ზედაპირი წყლით იფარება და ყოფილი ტბის ადგილზე, მსოფლიოში ყველაზე დიდი ზომის სარკე ჩნდება.

ხანგ სონ დონგის მღვიმე

ბუნების კიდევ ერთი საოცრება, ვიეტნამის ჯუნგლებში მდებარეობს და ის ყველაზე დიდი მღვიმეა მსოფლიოში. მისი სილამაზის და იმ ემოციის გადმოცემა, რომელიც მნახველებს ეუფლებათ, უბრალოდ შეუძლებელია. მღვიმის სიმაღლე, თითქმის, 240 მეტრია, ხოლო დერეფნების სიგანე – 100 მეტრი.