თურქეთის ქალაქ ბურსაში დამოუკიდებელი კანდიდატი ცოლთან ერთად მივიდა საარჩევნო უბანში ხმის მისაცემად. ხმების დათვლის შემდეგ გამოირკვა, რომ ამ უბნზე მან მხოლოდ ერთი ხმა მიიღო – ისიც მხოლოდ თავისი. თვალნათლივ გამოჩნდა, რომ მისმა ცოლმაც კი მის წინააღმდეგ მისცა ხმა.

ადგილობრივი მედიის განცხადებით ალი ოსმან დემირტაშის საარჩევნო პროგრამა ამომრჩევლებს არ იზიდავდა. მის მხარდასაჭერ ყველაზე ხალხმრავალ მიტინგზე სულ ექვსი ადამიანი მივიდა.საერთო ჯამში უიღბლო დეპუტატობის კანდიდატს სულ 504 ამომრჩეველმა მისცა ხმა. მისი თქმით იგი კმაყოფილია არჩევნების შედეგებით.