პოპულარული მუსიკალური ტელე პროექტის "იქს ფაქტორის" მაყურებლებისთვის კარგად არის ცნობილი უძლიერესი ხმის მქონე ორი კონკურსანტი და გამრჯვებული გიორგი ნაკაშიძე და ნინი ბრეგვაძე. გიორგის გამოსვლისას დარბაზი ინგრეოდა, განსაკუთრებით კი მასზე სუსტი სქესის წარმომადგენლები აფანატებდნენ.

მათ სიყვარულზე და შესაძლო რომანზე პროექტის მსვლელობის დროსვე ვრცელდებოდა ხმები. ისინი აშკარად ეფლირტავებოდნენ ერთმანეთს. თუმცა ამას ორივე უარყოფდა. აი, რას წერდა გავრცელებულ ჭორებთან დაკავშირებით გიორგი ნაკაშიძე სოციალურ ქსელში:

"მეგობრებო! და ყველა იმ ხალხს მივმართავ ვისაც ჰგონიათ, რომ მე და ნინი ბრეგვაძე ერთად ვართ! ძალიან ცდებით და იმ კატეგორიას ნუ აჰყვებით ვისაც ბოღმა ჭამს და ჭორაობს. მხოლოდ მეგობრები ვართ და მეტი არაფერი."

თუმცა დღეს მათმა კოლეგამ და მეგობარმა, მომღერალმა დიმა კობეშავიძემ სოციალური ქსელის "ფეისბუქის" საკუთარ გვერდზე დაპოსტა:

"დღეს გავიგე მაგარი ამბავი და მინდა გაგიზიაროთ!!!!

გიორგი ნაკაშიძე და ნინი ბრეგვაძე დაინიშნენ!!!!

მიყვარხართ!!!"გიორგი ნაკაშიძის გვერდზე ნინისთან ერთად ატვირთულ ფოტოს კი მათი მეგობრები გამოეხმაურნენ. ზოგიერთ მათგანს არ სჯერა მაში დანიშვნის ამბავი და ეს მორიგი ხუმრობა ჰგონია:

"დაინიშნეთ? მოიცა თუ როგორც ყოველთვის ეს ჭორია?"

"სიმართლეა?"

სხვები კი ულოცავენ და სიყვარულს ეფიცებიან.

ასე, რომ თუ ეს მორიგი ჭორი არ არის, ჩვენც ვულოცავთ ამ ორ ნიჭიერ ახალგაზრდას და ბედნიერებას ვუსურვებთ პირად ცხოვრებაში!