"დღეს დილით კიდევ ერთმა რუსულმა თვითმფრინავმა განიცადა კატასტროფა სამხრეთ სუდანში. პირველადი მონაცემებით, დაღუპულია 41 ადამიანი.

რუსულმა სატვირთო თვითმფრინავმა Ан-12-მა, რომელსაც ასევე რუსული ეკიპაჟი მართავდა, განიცადა კატასტროფა სამხრეთ სუდანის დედაქალაქ ჯუბადან აფრენისთანავე. მას შემდეგ, რაც 800 მეტრი სიმაღლე განავითარა, თვითმფრინავმა მკვეთრად დაიწყო სიმაღლის დაკარგვა და ის რამოდენიმე წამში დაენარცხა მიწას. ნამსხვრევები მდინარე თეთრი ნილოსის ნაპირებზე მიმოიფანტა.

წინასწარი მონაცემებით, დაღუპულია 41 ადამიანი, ეკიპაჟის ერთი წევრი და ბავშვი, სავარაუდოდ, ერთ-ერთი პილოტის შვილი, ცოცხალი გადარჩა" - ეს ინფორმაცია სააგენტო Reuters - მა გაავრცელა გაერთიანებული ერების ორგანიზაციის სამხრეთ სუდანის მისიის მიერ მიწოდებულ ფაქტებზე დაყრდნობით. ჯერჯერობით არაა დაზუსტებული, თუ რამდენი ადამიანი იმყოფებოდა სულ თვითმფრინავის ბორტზე.

შეგახსენებთ, რომ სულ რამოდენიმე დღის წინ კატასტროფა განიცადა რუსულმა სამგზავრო თვითმფინავმა, რომლის ბორტზეც 270- ზე მეტი მგზავრი იმყოფებოდა. სამწუხაროდ, ყველა მათაგანი დაიღუპა.