1.უდუღარი და არაპასტერიზებული რძე, ასევე აუდუღარი რძით დამზადებული ყველი - მაგალითად ჭყინტი ყველი, იმერული ყველი. აუდუღარი რძე შეიცავს ბაქტერია ლისტერიას. ლისტერიოზი იშვიათი დაავადებაა, ჯანმრთელ ადამიანებში მსუბუქად მიმდინარეობს და მკურნალობას არ საჭიროებს, მაგრამ ორსულებში შესაძლებელია გამოიწვიოს მუცლის მოშლა ან ნაყოფის სიკვდილი.

2.შაქრის შემცვლელი დამატკბობლები - ისეთები როგორც არის ასპარტამი და სახარინი. არ დალიოთ დაბალკალორიული გაზიანი სასმელები (კოკა-კოლა ლაითი, პეფსი ლაითი), რადგან ისინი შეიცავენ ხელოვნურ დამატკბობლებს. თუ ძალიან მოგინდათ ტკბილი სასმელი, ძალიან იშვიათად შეგიძლიათ დალიოთ 1 ჭიქა ჩვეულებრივი შაქრით დამზადებული სასმელი.

3.A ვიტამინი - იწვევს ნაყოფის განვითარების ანომალიებს. არ მიიღოთ A ვიტამინის შემცველი არანაირი პოლივიტამინური საშუალება და თევზის ღვიძლზე დამზადებული თევზის ქონის კაფსულები.