საქართველო
რობერტ სტურუა - "ნაცისტ-ქართველებს მზგავსი ვაჟკაცობა არ გააჩნიათ"
2015, 24 ოქტომბერი, 13:25
-გთავაზობთ ქართული თეატრისა და კინოს რეჟისორის -რობერტ სტურუას "ფეისბუქის" საკუთარ გვერდზე განთავსებულ ტექსტს;
"მერკელი მაინცდამაინც გულზე არ მეხატება - DDR-ის პიონერს ვეძახი გულის სიღრმეში. მაგრამ, გუშინწინდელმა მისმა განაცხადებამ აღმაფრთოვანა!
ნატანიაჰუმ განაცხადა რომ ჰიტლერს ბრალი არ უდევს ჰოლოკოსტის ტრაგედიაში. ვითომდა იერუსალიმის მუფტი ხაჯ ამინ-ჰუსეინმა ჰიტლერს სთხოვა ებრაელები არ გაასახლო - ყველა იერუსალიმში ჩამოვა და არაბებს დედას გვიტირებენო.
- აბა, რა ვუყოო?-ჰკითხა თურმე ადოლფმა.
- დაწვიო!
მერკელმა განაცხადა:
- გერმანელებს არავის გამართლება სჭირდება, ფაშიზმი გერმანიაში იშვა და ერი ამ დანაშაულს აღიარებს და ასე ზრდის თავის შვილებს, რომ ეს შავი ჭირი აღარ გამეორდეს.
ნაცისტ-ქართველებს მზგავსი ვაჟკაცობა არ გააჩნიათ. საიდან?"
