ყოველთვის გვხიბლავს და აღფრთოვანებას ვერ ვმალავთ, როდესაც ძველი ან გადასაგდები ნივთებისგან დამზადებულ ხელით ნაკეთ ორიგინალურ აქსესუარებს, დეკორის ელემენტებს, სათავსოებს თუ სანათებს ვუყურებთ. არსებობს ბევრი საოცრად კრეატიული საშუალება, გამოყენებული ნივთებისგან თვალისმომჭრელი დეკორაციების შესაქმნელად, იმის ნაცვლად, რომ ნაგავში მოისროლოთ, ამით თქვენ გარემოზეც იზრუნებთ. თუ გაქვთ ძველი პოლიეთილენის ბოთლები და გაინტერესებთ თუ რის გაკეთებას შეძლებთ, ეს სტატია დიდ დახმარებას გაგიწევთ და არაჩვეულებრივი იდეებით მოგამარაგებთ.

აქ თქვენ აღმოაჩენთ 50 უახლესს და ნამდვილად შთამბეჭდავ ნიმუშს იმისა, თუ როგორ უნდა გადავაქციოთ ერთი შეხედვით უსარგებლო, გადასაგდები პლასტმასის ბოთლი ხელოვნების ნიმუშად. თავად დარწმუნდებით – მათი დამზადება ხომ ასეთი მარტივია. გარდა იმისა, რომ იაფი და უფასო მასალაა, თქვენ მისი გადაგდებით არ მოგიწევთ გარემოს დაბინძურება. ამასთან, საკუთარი ხელით შექმნილი ნივთი, ყოველთვის დიდ შინაგან კმაყოფილებას იწვევს ადამიანში; მას შეუძლია თქვენს სახლს განსაკუთრებულობა და ელეგანტურობა შესძინოს. და საერთოდ, ძველი გადასაგდები ნივთებისთვის ახალი სიცოცხლის მინიჭება, ბოლო ხანებში, ძალიან ტრენდული და პოპულარული გახდა მთელს მსოფლიოში.