რუსთაველის გამზირზე, დღეს, საქართველოს დამოუკიდებლობის დღისადმი მიძღვნილი "ქართული მრეწველობის" აღლუმი - "დამზადებულია საქართველოში" იმართება.

აღლუმში საქართველოში მოქმედი 270 მდე საწარმო მონაწილეობს.საწარმოები წარმოადგენენ სახვადასხვა მრავალფეროვან პროდუქციას, მათ შორის, ავეჯს, სამშენებლო მასალებს, ელექტრო და კომპიუტერულ ტექნიკას, ტექსტილს, ლითონის ნაკეთობებს, ფარმაცევტულ ნაწარმს, ლაზერულ გრავიურას, ქართული წარმოების მეტროს ვაგონებს, უალკოჰოლო და ალკოჰოლიან სასმელებს, ჩაისა და საკვებ პროდუქტებს.ღონისძიებაზე დასწრება ნებისმიერი მსურველისთვის თავისუფალია.

მოქალაქეებს მათთვის სასურველი პოდუქციის შეძენაც შეუძლიათ.სამრეწველო აღლუმი საქართველოში წამოებული პროდუქციის პოპულარიზაციას, ქართული ეკონომიკის განვითარებას, სამუშაო ადგილების შექმნასა და წარმოების სხვადასხვა სფეროს გაძლიერებას ისახავს მიზნად.სამრეწველო აღლუმს გიგი უგულავა ესწრება.