რუსეთი მზად არის სამხედრო ოპერაციები ერაყის ტერიტორიაზეც ჩაატაროს. დღევანდელ პრესკონფერენციაზე რუსეთის საგარეო უწყების ახალი გამოწვევებისა და საფრთხეების დეპარტამენტის დირექტორმა ილია როგაჩევმა განაცხადა, რომ ერაყის მხრიდან რუსეთისადმი მომართვის შემთხვევაში - განახორციელოს სამხედრო-საჰაერო ოპერაცია "ისლამური სახელმწიფოს" წინააღმდეგ, რუსეთი პოლიტიკურ და სამხედრო მიზანშეწონილობას შეაფასებს.
"თუ გვექნება ერაყის ხელისუფლების ან უშიშროების საბჭოს მომართვა, განხილული იქნება ამ საკითხის პოლიტიკური და სამხედრო მიზანშეწონილობა", - განაცხადა როგაჩევმა.
30 სექტემბერს რუსეთის სამხედრო ავიაციამ სირიის ტერიტორიაზე "ისლამური სახელმწიფოს" ობიექტებზე პირველი ავიადარტყმები განახორციელა