92 წლის ქალბატონი იმ ეკლესიიდან, რომლის მრევლიც ის 50 წლის განმავლობაში იყო, გამოაგდეს. მიზეზი კი ისაა, რომ მოხუცი ავად იყო, რის გამოც ეკლესიას თანხას ვერ სწირავდა. რადგანაც ის ლოგინს მიეჯაჭვა, ეკლესიისთვის შესაწირი ფული აღარ ჰქონდა, პასტორმა კი განაცხადა, რომ მისი ქცევა მიუღებელია. „რადგანაც ის არ ღებულობს მუდმივ ფინანსურსა და ფიზიკურ მონაწილეობას ეკლესიის საქმიანობაში“, ის იქიდან გააძევეს.

ქალბატონი ძალიან იმედგაცრუებულია. ის ჯერ კიდევ შოკურ მდგომარეობაში იმყოფება. მისი ძმისშვილი აცხადებს, რომ მამიდამ უამრავი რამ გააკეთა კონკრეტული ეკლესიისთვის, უკანასკნელი 50 წლის განმავლობაში და როდესაც მას მრევლისა და პასტორის დახმარება დასჭირდა, ყველამ ზურგი აქცია.
ჟურნალისტებმა მიაკითხეს ამ ბაპტისტური ეკლესიის წარმომადგენლებს, მაგრამ მათ არავინ უპასუხა.