მედიცინის და - ამ სიტყვის გაგონებაზე თვალწინ წარმოგვიდგება სანდომიანი, კეთილი, თოვლივით თეთრ ხალათსა და ქუდში გამოწყობილი თბილად მომღიმარი ქალბატონები, რომლებიც ალერსითა და მზრუნველობით უვლიან პაციენტებს, თუმცა როგორც ჩანს, ყველა მათგანი როდი გამოირჩევა გულმოწყალებითა და ლმობიერი ხასიათით - ისტორიაში ცნობილია შემთხვევები, როცა მოწყალების დები საშიშ მონსტრებად და პირსისხლიან სერიულ მკვლელებად მოგვევლინენ.

დღეს მინდა რამოდენიმე მათგანზე გიამბოთ.

დანიელა პოგიალი

ამ იტალიელ მედიცინის დას მეტსახელად "სიკვდილის ანგელოზი შეარქვეს". მას ბრალი წაუყენეს 96 პაციენტის მკვლელობაში. ეს ბოროტმოქმედება მან 2013-1014 წლებში ჩაიდინა. დანიელა კლავდა მძიმე ავადმყოფებს ნარკოტიკის დიდი დოზით და თქვენ წარმოიდგინეთ, სელფისაც კი იღებდა გარდაცვლილებთან. სასამართლომ დანიელა პოგიალის სამუდამო პატიმრობა მიუსაჯა.

ჩარლზ კალენი

ექთნად მუშაობის 16 წლის განმავლობაში კალენმა 300-მდე პაციენტს მოუსწრაფა სიცოცხლე. ჩარლზი ავადმყოფებს დიოქსინის სასიკვდილო დოზას უკეთებდა. სასამართლოზე მკვლელმა განაცხადა, რომ ამას ის მხოლოდ გულმოწყალების მიზნით სჩადიოდა. კალენს სამუდამო პატიმრობა მიესაჯა გათავისუფლების ყოველგვარი შანსის გარეშე.

ემი არჩერ-ჯილიგენი

ემი მუშაობდა კონექტიკუტის ერთ-ერთ კერძო სანატორიუმში. ის ჩუმად უყრიდა პაციენტებს საჭმელში დარიშხანს, რის გამოც 60-ზე მეტი ავადმყოფი გარდაიცვალა. აღასანიშნავია, რომ ზუსტად ამგვარად მოუსწრაფა ემიმ სიცოცხლე თავის 5 (!) ქმარს, რა თქმა უნდა, მას შემდეგ, რაც მათ ანდერძი ცოლის საასრგებლოდ შეადგინეს.

ჰენინ ჯონსი

ჰენინ ჯონსმა სახელი გაითქვა ახალშობილების მკვლელობით. ის ექსპერიმენტებს ატარებდა, თუ როგორ შეიძლებოდა ბავშვების კრიტიკული მდგომარეობიდან გამოყვანა. ამისათვის ჯონსი მათ უკეთებდა დიოქსინს და შემდეგ საკუთარ თავს უწყობდა გამოცდას - გადაარჩენდა თუ არა კომაში ჩავარდნილ ბავშვს. თავისი მუშაობის 13 წლის განმავლობაში ჰენინმა ამ გზით 80-ზე მეტი ახალშობილი გამოასალმა სიცოცხლეს.

ბენჯამენ გინი

ბენჯამენ გინი პოლიციამ 2004 წლის ოქტომბერში დააკავა მას შემდეგ, რაც მისი პაციენტების საეჭვოდ დიდი რაოდენობა დაიღუპა გულის უკმარისობით. დაკავების დროს გინს ჯიბეში ინექციის სასიკვდილო დოზა აღმოუჩინეს. ბენჯამენს სიამოვნებას ანიჭებდა იმის ყურება, თუ როგორ ახდენდენ პაციენტიების რეამინირებას, თუმცა მის მიერ გაკეთებული ინექციების წყალობით ავადმყოფების დიდი რაოდენობის გადარჩენა ვერ მოხერხდა. ცივსისხლიანი ექთნის ხელით 200-მდე ადამიანი დაიღუპა.