რეზინის ნავი, რომელსაც 60–ზე მეტი მიგრანტი გადაჰყავდა ღია ზღვაში დაზიანდა და ჩაძირვა დაიწყო.
შედეგად 43 ადამიანი დაიღუპა. მაშველებმა 20 ადამიანის გადარჩენა შეძლეს. სამაშველო ოპერაცია ადგილზე ამ დრომდე გრძელდება.



არალეგალების კიდევ ერთი ნავი ჩაიძირა მალაიზიის სანაპიროსთან. რეზინის ნავი, რომელსაც 60–ზე მეტი მიგრანტი გადაჰყავდა ღია ზღვაში დაზიანდა და ჩაძირვა დაიწყო.
შედეგად 43 ადამიანი დაიღუპა. მაშველებმა 20 ადამიანის გადარჩენა შეძლეს. სამაშველო ოპერაცია ადგილზე ამ დრომდე გრძელდება.
მალაიზიის სანაპირო დაცვის სამსახურის განცხადებით, ისინი სავარაუდოდ ინდონეზიელი დევნილები იყვენენ.


მიგრანტების კრიზისთან მიმართებაში ევროპას კონსესუსის მიღწევა უჭირს. ქვეყნების ლიდერები და მსოლიოს წამყვანი საერთაშორისო ორგანიზაციები საკითხის მოგვარების გზებზე მსჯელობენ.
მიგრანტების კრიზისის მოგვარებაზე, რომელიც იუგოსლავიის ომის შემდეგ ევროპისთვის ყველაზე მასშტაბური აღმოჩნდა, ევროპელი ლიდერები უკვე რამდენიმე დღეა მუშაობენ.
პრობლემა განხილვის მთავარი თემა იქნება დიდი ოცეულის სამიტზე, რომელიც ანკარაში იმართება.
მსოფლიოს წამყვანი ქვეყნების ფინანსთა მინისტრები და უმსხვილესი ფინანსური ინსტიტუტების წარმომადგენლები, პრობლემის მოგვარებისთვის აუცილებელი ფონდების შექმნაზე იმსჯელებენ.



მიგრანტების კრიზისში გერმანია უშუალოდ ჩაერთო. უნგრეთიდან წასული ადამიანების პირველი ნაკადი დანიშნულების ქვეყანაში ჩავიდა.
ავსტრიის ტერიტორიაზე გადასული არალეგალების ნაწილი მიუნხენის რკინიგზის სადგურში მატარებლით ჩაიყვანეს. ბორტზე 500–მდე ადამიანი იმყოფებოდა. ბოლო 24 საათის განმავლობაში ავსტრიის საზღვარი 6500–ზე მეტმა მიგრანტმა გადაკვეთა, მათგან 2 ათასზე მეტი გერმანიაში გაემგზავრა.
ოფიციალურმა ვენამ და ბერლინმა ბუდაპეშტში მყოფი დევნილების შეფარება მას შემდეგ გადაწყვიტეს, რაც უნგრეთის ხელისუფლება ხალხს რამდენიმე დღის განმავლობაში ქვეყნის მატარებლით დატოვების უფლებას არ აძლევდა. ამის გამო მიგრანტების ნაწილი ავსტრიის მიმართულებით ფეხით დაიძრა.
არალეგალების ნაკადის შესაჩერებლად უნგრეთის ხელისუფლება ქვეყნის სამხრეთ საზღვართან 15 სექტემბრიდან პოლიციისა და არმიის განლაგებას აპირებს.