ეს, ალბათ, ყველა ადამიანის ოცნებაა მსოფლიოში — მოეფეროს პანდას. ისინი ხომ ასეთი საყვარლები და განსაკუთრებულები არიან. პანდების ბინადრობის არეალი ჩინეთის რამდენიმე პროვინციაა. ისინი მაღალ მთებში ცხოვრონენ და ბუნებაში მათი ნახვა, თითქმის, შეუძლებელია. ამ უნიკალური ცხოველების ნახვა მხოლოდ ზოოპარკებში არის შესაძლებელი, მაგრამ ყველა ზოოპარკს არა აქვს პანდის ყოლის საშუალება, რადგან ამ ცხოველების მოვლა ძალიან რთული (მხოლოდ ბამბუკით იკვებებიან), მისი ყიდვა კი შეუძლებელია. ჩინეთში პანდის გაყიდვა აკრძალულია, ხოლო პანდის მოკვლის შემთხვევაში, ადამიანი სიკვდილით ისჯება.

ჩინეთის გარდა, დიდი პანდის ნახვა, მსოფლიოს 11 ქვეყანაში შეძლება და ეს ქვეყნები, თითო პანდაში, ჩინეთს, ყოველწლიურად, 1 მლნ. დოლარს უხდიან ქირის სახით.

მსოფლიოს სხვადასხვა ზოოპარკში, 150-მდე პანდა ბინადრობს. მათი უმრავლესობა, რა თქმა უნდა, ჩინეთის ზოოპარკებში არის გადანაწილებული. მაგრამ, ჩინეთში არის ერთი ადგილი, სადაც ერთდროულად რამოდენიმე ათეული პანდის ნახვა შეიძლება. ეს მსოფლიოში პირველი საბავშვო ბაღია პანდებისთვის!

დაწესებულება პანდების ყველაზე დიდი საშენის ტერიტორიაზე მდებარეობს ქ. ჩენდუში.

პატარა პანდები, საბავშვო ბაღში, ისევე იქცევიან როგორც ბავშვები. თამაშობენ, ქანაობენ საქანელებზე, ერთმანეთს ეჩხუბებიან და “გორკებზე" სრიალებენ.

აღმზრდელები მათ რძეს ასმევენ, რადგან ასეთ ადრეულ ასაკში, ბამბუკის ჭამა არ შეიძლება.

როდესაც პანდები იზრდებიან, ცხოველებს პარკის ტერიტორიაზე უშვებენ, რომელიც მაქსიმალურად შეესაბამება, მათი ბინადრობის ბუნებრივ პირობებს.