აღდგომის კუნძული მდებარეობს წყნარ ოკეანეში და ითვლება ყველაზე შორეულ დასახლებულ კუნძულად. მას უჩვეულო, გიგანტური ქანდაკებები ამშვენებს.მიუხედავად იმისა, რომ მათი წარმოშობა თუ დანიშნულება აქამდეც საიდუმლოებით იყო მოცული, ახალი აღმოჩენა ამ ქანდაკებებს უფრო მეტად მისტიურს წარმოაჩენს. ერთ-ერთი ვერსიით, ეს ქანდაკებები შექმნილი იყო უცხო ხალხთა დასაფრთხობად, რომლებიც გემით მიდიოდნენ აღდგომის კუნძულამდე, მაგრამ ეს გიგანტური სახეები, რომლებიც მთებიდან გადმოყურებდნენ, ძალიან აშინებდათ. დამეთანხმებით, იმ დროისთვის, ასეთი გიგანტური ქანდაკებების შექმნა და შემდეგ მათთვის ადგილის მიჩენა ძალიან რთული დავალება იქნებოდა. თუმცა, ახალი აღმოჩენა ამტკიცებს, რომ ამ თავებს თურმე უზარმაზარი ქვის ტანიც ჰქონიათ, რომლების ღრმად არიან ჩაფლულნი მიწაში.

მათგან უდიდესი იყო 9 მეტრის სიმაღლისა და 82 ტონა წონის მქონე ქანდაკება. მიწისქვეშა ნაწილთან ერთად იგი 21 მეტრია და 270 ტონას იწონის!

"ერთადერთი მიზეზი იმისა, რომ ხალხი ფიქრობს მხოლოდ თავების არსებობაზე არის ის, რომ დაახლოებით 150 ქანდაკებაა დამარხული მხრებამდე ვულკანის ფერდობებზე და ისინი არიან ყველაზე ცნობილი, ყველაზე ლამაზი ფიგურები, რომლებსაც ყველაზე მეტ სურათს უღებენ".
ვან ტილბურგი, არქეოლოგიის კოსტენის ინსტიტუტის სამეცნიერო საზოგადოების წევრი
კალიფორნიაში. სინამდვილეში მეცნიერები ამ ქანდაკებებს სწავლობდნენ, უკვე თითქმის საუკუნის განმავლობაში, და იცოდნენ სხეულების არსებობის შესახებ 1914 წლის არქეოლოგიური გათხრების შემდეგ. ხალხს კი არ უნახავს სხვა, მიწიდან ამოთხრილი ქანდაკებების სურათები.