x
image
K.P.
"ზოოპარკი დაარსდა ტაძრებისა და მონასტრების ზარების ფასად, ამიტომ ვერ გაიხარებს"-ილია II
image
გუშინ უხვი ნალექის გამო მომხდარმა წყალდიდობამ, რამდენიმე ადამიანის სიცოცხლე იმსხვერპლა, განადგურდა ზოოპარკი, ცხოველების ნაწილი კი გაიქცა. გაქცეულების ნაწილი მოკლეს, ნაწილი დაიჭირეს, ხოლო ბევრ მათგანს ამ წუთებამდე ეძებენ.

მომხდარ ფაქტს გამოეხმაურა ილია მეორე საკვირაო ქადაგებისას:

"მოხდა საშინელი ტრაგედია საქართველოში. ღვარცოფის, ნიაღვრის და წვიმის შედეგად დაიღუპა ხალხი. განადგურდა ზოოპარკი. ცხოველები თავისი ადგილებიდან გადმოვიდნენ და ადამიანებისთვის საშიში გახდნენ. თქვენ ალბათ არც გახსოვთ, რომ რამდენიმე წლის წინ იყო მცირე ინფორმაცია ზოოპარკის შესახებ.

როცა კომუნისტები საქართველოში შემოვიდნენ და ქრისტიანების და სამღვდელოების დევნა, ასევე ეკლესია-მონასტრების ნგრევა დაიწყეს, დაიწერა ბრძანება, რომ მონასტრებიდან და ტაძრებიდან ჩამოეყარათ ზარები, გადაედნოთ და ამ ფულით, რასაც მოიპოვებდნენ, ზოოპარკი დაარსებულიყო. ასე რომ, ზოოპარკი დაარსდა ტაძრებისა და მონასტრების ზარების ფასად, ამიტომ ეს ზოოპარკი ვერ გაიხარებს.


ზოოპარკი უნდა გაუქმდეს და სხვაგან ახალი ზოოპარკი დაარსდეს, რადგან ეს ზოოპარკი ცოდვაზეა დაარსებული. ბევრს ეს არ ახსოვს და ინფორმაცია ამის შესახებ ჩვენს პრესაში არსებობდა.

ცოდვა დაუსჯელი არ რჩება. ვწუხვართ, რომ ქართველი ადამიანი იმდენად დაეცა, რომ საეკლესიო ზარების ხარჯზე და მათ განადგურებაზე ზოოპარკი დააარსეს. აი, ამის შედეგი. დაიღუპნენ ადამიანები და განადგურდნენ ცხოველები".

ამ დროისათვის შექმნილია მოხალისეთა ჯგუფიც, რომელებიც დაზარალებულებს დახმარებას გაუწევენ. საკვირაო ლოცვა-კურთხევის დასრულების შემდეგ პატრიარქიც სტიქიის ადგილისაკენ გაემართა.

19
515
8-ს მოსწონს
ავტორი:K.P.
K.P.
515
  
2015, 17 ივნისი, 15:25
:) ყველაფერს თავისი დრო აქვს,კი ადამიანია მაგრამ ძალიან ბევრ ჩვენგანზე მეტი ადამიანი...
2015, 16 ივნისი, 16:43
რასაც ლაპარაკობთ, ყველაფერში გეთანხმებით, მაგრამ თქვენმა ამ ( პატრიარქს წინა ხელისუფლების დანაშაულება არ სურდა ამ ტრაგედიაში ამიტომ მოინდომა მაღლა აგვეხედა და ღმერთი როგორც დამსჯელი ისე მიგვეღო! სირცხვილია! ) მოსაზრებამ წამიერი აღშფოთება შემდეგ კი ღიმილი მომგვარა. :):)
2015, 16 ივნისი, 13:42
ვიცით, ვიცით, საუკუნეებია ღმერთით ხალხს აშინებენ და ამით მდიდრდებიან... შიშზე დაფუძნებული მახინჯი რწმენა რომ არა, ამდენი ტაძარი ვერ აიგებოდა, ჰოდა ამდენი სასულიერო პირი სიღატაკეში იცხოვრებდა... ესაა სინამდვილე და დაეშვით ძვირფასო ღრუბლებიდან... გულუბრყვილოდ გვიკვირს რატომ ჯიპები, რაღა რატომ, სხვაგვარად შეუძლებელია ამათთვისს... ის რაც პატრიარქმა 2008 წელს გააკეთა, გვამები გამოიყვანა, ყველას გვახსოვს და ნუ გგონია, რომ დაუნახავები ვართ. თუმცა ეს ნორმაა და სხვაგვარად ნამდვილად არც უნდა მოქცეულიყო! ასე რომ ის რაც მისი ვალია, მოსახლეობას დაუჭიროს მხარი და არ უნდა თქვას, რომ ქართველი ხალხი ზარმაცია და იმიტომაც არის უმუშევარი! ეს დღეებია ვხედავთ რა "ზარმაციც" ყოფილა! ასე რომ მართლაც შეეშვით გაფანატებას! პატრიარქს წინა ხელისუფლების დანაშაულება არ სურდა ამ ტრაგედიაში ამიტომ მოინდომა მაღლა აგვეხედა და ღმერთი როგორც დამსჯელი ისე მიგვეღო! სირცხვილია! ასე მოსახლეობის აგდება დანაშაულიც კი იყო, თან პირველივე დღეს განაცხადა ეს! ეს არ არის არა თუ სასულიერო პირის საქციელი, ეს არ არის ადამიანური ელემენტარულად! თუმცა მირჩევნია ისევ სიბერეს მივაწერო და ასე განვაგრძო მისი როგორც ადამიანისადმი სიყვვარული და არა როგორც ხორცშესხმული ღმერთისადმი!
2015, 15 ივნისი, 17:13
სიმართლე ყოველთვის ასეთი მოსასმენია,საუკუნეების მანძილზე რწმენა მახვილით დასაცავი იყო ჩვენს ქვეყანაში და პატრიაქის მიერ ნათქვამი სიმართლე გახდა განსასჯელი?როცა ვინმე მასზე მეტს გავაკეთებთ ქვეყნისთვის და რწმენისთვის,მაშინ მივცეთ თავს უფლება სიტყვა დავუწუნოთ მას....მას რომ არ ეთქვა,ისე ვერ ხვდება ეს ხალხი რომ ქვეყანა დიდიხანია უსამართლობაში და სიბინძურეში იხრწნება?ეს ფულით მოპოვებული მშენებლობის უფლებები ხომ საერთოდ ცალკე თემაა,გაკაფეს ყველაფერი და შეიძლება თუ არ შეიძლება,შუადღეზე გამდიდრებული "არსებები" აშენებენ ყველგან რაც უნდათ და როგორც უნდათ,კარგია რომ ვიღაცამ ახლა მაინც მიუთითა შეცდომებზე.საშინელი ტრაგედია სრულიად საქართველოსთვის,მაგრამ კიდევ ერთი შანსი ყველამ თავიდან გადავხედოთ ცხოვრებაში რა რის ფასად უნდა გვიღირდეს.
2015, 15 ივნისი, 11:59
გენაცვალე შენ....
2015, 15 ივნისი, 11:01
ღმერთი სიყვარულია-ეს მხოლოდ გაცვეთილი სიტყვები არაა

ნუთუ შვილს რომ რამე დაემართოს იტკინოს,მოიტეხოს და ა.შ. მშობელს ეს სიამოვნებს და უხარია?არა პირიქით დაუყვავებს და მოეფერება,ანუგეშებს,ნუთუ იმას ეტყვის,რომ აი შენ მე რომ გამაბრაზე,ან ვაზა გამიტეხე ამასწინ,ან ახალი ნაყიდი ტუფლები რომ დახიე შარშან აი მაგიტომ დაგემართა ახლა ეს ხომ ხედავ ისჯებიო,განა ამას ეტყვის მოსიყვარულე მშობელი დაჩაგრულ და გაუბედურებულ შვლს?
ღმერთი მართლა სიყვარულია და ნუ დახატავთ მისგან სისხლისმსმელ მონსტრს,რომელსაც სიამოვნებს მისი შვილების ტანჯვა.

ნურავიას ნუ გააფანატებთ - ეს იგივეა ჯიბით ატარებდე დედის სურათს,სადღეგრძელოებში ხოტბას ასხამდე,მასზე ლოცულობდე და როცა პირადად მასთან გაქვს ურთიერთოდა არაფრად აგდებდე და უპატივემულობ ექცეოდე.დააფასეთ პირველ რიგში ღმერთი და არა მისი წარმომადგენლები.
2015, 15 ივნისი, 10:17
რა სიბნელეა ,უვიცობა,ფანატიზმი,გაფეტიშება..გული მერევა უკვე ყველაფერზე3..ფუუუუ
2015, 14 ივნისი, 23:33
გულგრილობაა ეს ჩემო ნანა , მე არ გამიკეთებია მაინცდამაინც დღეს ეს განცხადება პატრიარქმა გააკეთა. .. ასე რომ ნამდვილად მსურს მშვიდობიანი დღეები და არა მსგავსი დამამცირებელი განცხადება. კარგად.
2015, 14 ივნისი, 23:29
მაგ განცხადებაში მე სიბოროტეს დავინახავდი და პატრიარქის განცხადებაში ბოროტების მარცვალიც კი არ დევს,მან ჩვენზე მეტი ნახა და ის რაც ნახა ის თქვა... მოდი ნუ შევეჯიბრებით ნურავის და ნუ ჩავთვლით ისე რომ ჩვენ უფრო მეტად გვეტკინა ეს ვიდრე მას...საერთოდ ნუღა შევალთ ერთმანეთთან პოლემიკაში ,ჯობია, თავიდან ავიშორებთ განკითვასაც და სიბრაზესაც ...მშვიდობიანი დრეები გვიმრავლოს ღმერთმა და შეგვაძლებინოს ღირსეულად დათმენა განსაცდელების...
2015, 14 ივნისი, 23:29
ბოდიში, მაგრამ პატრიარქი მიყვარს, მაგრამ სიმართლე ილია მეორეზე უფრო მეტად! სიმართლის მადიდებელი ვარ და იმიტომ!
წინა კომენტარების ნახვა
0 0 10