ივნისის ერთ მშვენიერ დილას ფინეთის დედაქალაქ ჰელსინკის მცხოვრებლები მეტად უცნაური სანახაობის მომსწრენი გახდნენ: კათედრალური ტაძრის საფეხურებზე მათ დაინახეს მუყაოზე ნატურალურ ზომებში შესრულებული ნახევრადშიშველი მომღერლის ნიკი მინაჟის ფოტოსურათები. "ასეა თუ ისე, ეს არ იყო არც საპროტესტო პოლიტიკური აქცია, არც ხელოვნების რომელიმე ფორმა, "- აცხადებს ფინეთის საინფორმაციო სააგენტო Fader.

ფინეთის დედაქალაქის მთავარი ტაძრის ახლებური "დეკორის" ფოტოსურათებმა მყისვე დაიპყრო ინტერნეტ-სივრცე.

თავდაპირველად ადგილობრივმა ჟურნალისტებმა გაიფიქრეს, რომ ეს მკრეხელობა ამერიკელი მომღერლის რომელიმე მხურვალე ფანატიკოსმა ჩაიდინა, მაგრამ ამ საიდუმლო მანევრის მიზეზი გაცილებით პროზაული აღმოჩნდა: მუყაოს მინაჟების შეტევა, არც მეტი, არც ნაკლები, - აღმოჩნდა სარეკლამო აქცია, რომელიც მომღერლის ფინეთში ვიზიტთან იყო დაკავშირებული; კერძოდ, ნიკი მინაჟი მონაწილეობას მიიღებს ფესტივალში Summer Up, რომელიც 3-4 ივლისს ჰელსინკიდან 100 კილომეტრით დაშირებულ პატარა ქალაქში გაიმართება. თითოეულ მუყაოს ფიგურაზე მიწებებული იყო ამ ფესტივალზე დასასწრები უფასო ბილეთი.

Summer Up-ის წარმომადგენლებმა მოგვიანებით განაცხადეს, რომ ამ გაბედული პიარ-აქციის საშუალებით ისინი აპირებდნენ შეექმნათ ფესტივალის პოზიტიური სახე. თუ რა დამოკიდებულება ჰქონდათ მუყაოს მინაჟებთან ადგილობრივი ეკლესიის ხელმძღვანელებს, - ჯერჯერობით არ ხმაურდება.

ცოტაოდენი ხნის წინ ნიკი მინაჟის გარშემო კიდევ ერთი სკანდალი აგორდა, როცა მომღერალმა თავის ერთ-ერთ კლიპში ნაცისტური სიმბოლოები გამოიყენა.