ახალგაზრდა მომღერალი ლინდა ადამია "X ფაქტორის" ყველაზე პოზიტიურ მონაწილედ ითვლებოდა. ორსულმა, ლამაზმა და მხიარულმა გოგონამ მალევე მოხიბლა ჟიურიც და საზოგადოებაც. მომღერალი გუშინ აუტსაიდერებში მოხვდა, რამაც ძალიან გაანაწყენა და ბრჭყალებიც გამოაჩინა.

"დღევანდელ "live"-ს საერთოდ უკომენტაროდ ვტოვებ. სირცხვილი ჩემო ძალიან საყვარელო მეგობრებო, ნათესავებო, ახლობლებო და მეგრელებო. მე სიამოვნებას მანიჭებს ჩემი დღევანდელი ნამღერი"-წერდა ლინდა სოციალურ ქსელში.

"საზიზღრობა და საშინელება იყო, დღეს რაც მოხდა, იმედია ეს აღარ განმეორდება. ყველაზე მეტად იმედგაცრუებული ვარ ჩემი მეგობრებით, ახლობლებით, ასევე, მხარდამჭერებით. ისინი მეუბნებიან, რომ მგულშემატკვრობენ პროექტში და მირეკავენ, რაც ტყუილია. ეს არის შემეტენე ხალხი, ყოველ ორშაბათს ჩანს, ვინ მირეკავს და ვინ - არა. დიდი მადლობა ამ ხალხს. ჟიურის მადლობელი ვარ, მენტორები რომ არ ყოფილიყვნენ, ახლა სახლში ვიჯდებოდი და ვიტირებდი. ძალიან განვიცადე აუტსაიდერებში დგომა. წინაზეც ცოტა ხმა დამაკლდა აუტსაიდერებში მოხვედრას. მაყურებელი ყველაფერს კარგს წერს ჩემზე და ეს მოწონება მესიჯებში გამოხატონ"-განაცხადა ლინდამ ერთ-ერთ ჟურნალისტთან საუბრისას.

იქნებ სხა კონკურსანტებს მეტი მეგობრები და ნათესავები ჰყავთ ან იქნებ საზოგადოებას ისინი უფრო მოსწონს? პატარა გოგოს დიდმა ამბიციებმა საზოგადოებაში აზრთა სხვადასხვაობა გამოიწვია. ლინდას მიმართ საზოგადოების ნაწილი დიდ აგრესიას გამოხატავს, ზოგიერთების მტკიცებით კი უკვე თავში აუვარდა.

ლინდა კიდევ ერთ კომენტარს ავრცელებს "ფეისბუქის" პირად გვერდზე: "გუშინ, როდესაც ამ ინტერვიუს ვაძლევდი ჟურნალისტს, ჩემზე კარგად არავინ იცოდა ამ ყველაფერს რა მოყვებოდა. ვარსკვლავური სენი კი არ შემეყარა, ცოტა კარგად წაიკითხეთ ინერვიუ და მიხვდებით რასაც ვწერ. მე ხალხისგან ვინც არ მიცნობს, არაფერს ვითხოვ! მოვეწონები დამირეკონ, არ მოვეწონები და... მე ვგულისხმობ ჩემს სიტყვებში, რომ იმას რასაც ყოველდღიურად მეუბნებიან, რომ მე შენ გირეკავ და ჰაი ჰუი არის ტყუილი და ამ ფარისევლობას შეეშვითთქო. ძალიან მოკლე ჭკუა აქვს, ამ ყველაფერს ვინც ვერ მიხვდება და ძალიან, ძალიან დიდი მადლობა ვინც დამირეკა და მადლობა ჟიურის, რომელმაც დაინახა ჩემი სამომავლო პროექტში მონაწილეობის პოტენციალი და დამტოვა პროექტში".

რას ვიზამთ ლინდა ზოგს ძალიან მოკლე ჭკუა გვაქვს. წარმატებებს გისურვებთ!