ზოგჯერ სკანდალი არც არაფრისაგან გორდება. ინტერნეტსივრცემ კომუნიკაცია ძალიან გაამარტივა, რის გამოც ბევრი ცნობადი სახე კრიტიკის ქარ-ცეცხლში ეხვევა. ცნობადი დედები და მათი მოზარდი ქალიშვილები საზოგადოების ყურადღების საგანია. ამ სტატიაში კი წარმოგიდგენთ ცნობადი დედების არასრულწლოვან ქალიშვილებს და მათ ფოტოებს, რომლებსაც გაურკვეველი მიზეზების გამო დიდი გამოხმაურება მოჰყვა.

16 წლის ლიზა ყენია მაია ჯაბუას ქალიშვილი გახლავთ. გოგონამ დედის მსგავსად მომღერლობა გადაწყვიტა. ლიზას სამომავლოდ ოპერის მომღერლობა სურს, ამჟამად კი პროექტ "ერთი-ერთში" იღებს მონაწილეობას. ლიზა სოციალურ ქსელებში საკმაოდ აქტიურია, შესაბამისად ახალ-ახალი ფოტოებითაც გვანებივრებს. ახალგაზრდა მომღერლის რამოდენიმე ფოტოს ჟურნალმა "prime time"-მა ინტიმურიც კი უწოდა. ლიზას მეგობრები კი გაოგნებას ვერ მალავდნენ, აინტერესებდათ, რა იყო ამ ყველაფერში ინტიმური."ყოველთვის ჩვეულებრივი ვარ და იმისთვის, რომ ხალხის ყურადღება მივიქციო, არაფერს არ ვაკეთებ. მაგრამ რაც უნდა გავაკეთო, რატომღაც ჩემგან მაინც გამომწვევად ჩანს. არ ვიცი, რატომ ხდება ასე. არასდროს ვიღებ არაესთეტიკურ ფოტოებს. ჩემი სამოსი ისეთია, როგორიც აცვია ნებისმიერ ჩვენგანს"-ამტკიცებს მომღერალი. გოგონა შეყვარებულია და ხშირად ავრცელებს მეორე ნახევართან გადაღებულ ფოტოებს, რომლებიც მორიგ სკანდალად იქცა.

შორენა ბეგაშვილი პოპულარული და სკანდალური მსახიობი, ფოტომოდელი და ტელეწამყვანია. ევა ბარბაქაძე შორენას ერთადერთი ქალიშვილი გახლავთ. გოგონა ნელ-ნელა წამოიზარდა და გარეგნობით დედასაც აღარ უდებს ტოლს. შორენას თქმით, ევა ის ერთადერთი ადამიანია, ვინც მის ცხოვრებაში მუდმივად რჩება და ვისაც ყველაზე მეტად სჭირდება. შორენას შვილთან ურთიერთობისთვის ბევრი დრო არ რჩება, ყოველთვის ცდილობს თან ატაროს. ევა ჯერ სკოლის მოსწავლეა და მისი ძირითადი საქმიანობა სწავლაა.
კრისტი და გიორგი ყიფშიძეებს ერთი ქალიშვილი ჰყავთ ნატალია. გოგონა ასაკის მიუხედავად უკვე ჩამოყალიბებული პიროვნებაა და მშობლებთან ერთად ტელეეკრანებზეც ხშირად ვხედავთ. ინტერნეტსივრცეში კრისტისა და ნატალიას ფოტო გავრცელდა, რომელზეც დედა-შვილი შიშვლები არიან. გასაკვირია, მაგრამ ფოტოს განსაკუთრებული კრიტიკა არ მოჰყოლია, როგორც ეს ჩვენს საზოგადოებას სჩვევია.