თანამედროვე დიზაინერები სულ უფრო და უფრო მეტად გვაოცებენ თავიანთი გამომგონებლური ნიჭითა და კრეატიულობით. ხანდახან მათ მიერ შექმნილი ნივთები ყოველგვარი ფანტაზიის ზღვარს სცილდება. ასე, მაგალითად, ამ ბოლო დროს დიდი პოპულარობით სარგებლობს ანატომიური ხასიათის ტანსაცმლის შექმნა. ეს შეიძლება იყოს როგორც ადამიანის სხეულის ნაწილებით დახატული მაისურები, ასევე ფეხსაცმელი, რომელიც ფეხის ფორმას იმეორებს, ან სულაც თავის ფორმის მუზარადი, აღარაფერს ვამბობ შემზარავი შესახედაობის კბილებიან ფეხსაცმელებსა და ტვინის ფორმის ქუდზე. რომ მოიფიქრო და მერე ჩაიცვა ასეთი "შედევრები", ნამდვილად ორიგინალური ადამიანი უნდა იყო და არც საზოგადოებრივ აზრს უნდა აქცევდე ყურადღებას.

როცა უყურებთ ამ ნივთებს, ფიქრობთ, როგორ უნდა მოუვიდეს ადამიანს თავში ასეთი რამის შექმნა ან რას შემოგვთაზებს კრეატიული მოდა წლების შემდეგ? -ალბათ ამის წარმოდგენაც კი შეუძლებელია.

მაშ ასე, მინდა შემოგთავაზოთ 15 ფოტოსურათი, რომლებზეც დიზაინერების "შედევრები" -ანატომიური ტანსაცმელი და ფეხსაცმელია აღბეჭდილი.

1. ფეხსაცმელი იმისათვის, ვისაც პედიკურის გაკეთება დაეზარა

2. ასეთი ზურგჩანთით ნეტავ როგორ უნდა გამოხვიდე ქუჩაში?

3. ჰალსტუხი თურმე ყოველთვის როდია სოლიდური

4. არ გინდათ მაისური ბანჯგვლიანი ღიპით?

5. ბუნებამ ლამაზი მკერდით დაგაჯილოდოვათ?- მაშინ მისი გამოჩენა ღირს

6. ტვინის ფორმის ქუდი----ბებიამ მოუქსოვა

7. თავის სხეულზე კიდევ ერთი სხეული აცვია

8. თასმებით შეკრული ფეხები

9. მაისური "ძველი" ბიჭებისათვის

10. თავის ფორმის მუზარადი

11. ეს ფეხსაცმელი მათთვისაა განკუთვნილი, ვისაც დიდი ზომის ფეხი აქვს და ვიზუალურად სურს დაპატარავება

12. ფეხსაცმელი საშინელებათა ფილმების მოყვარულთათვის

13. რა სიმპათიური სამაჯურია, არა?

14. ფეხსაცმელები სტომატოლოგებისათვის

15. აბა გაბედეთ და ამ მაისურში ჩაცმული გამოდით ქუჩაში

ეს ტანსაცმელი და ფეხსაცმელი სცილდება იმ ჩარჩოებს, რის ყოველდღიურად ტარებასაც ჩვენ მიჩვეული ვართ. დარწმუნებული ვარ, თუკი რომელიმე თქვენგანი ამ კოლექციიდან რომელიმეს ჩაცმას გაბედავს, გარშემომყოფთა ყურადღება მას გარანტირებული ექნება.