როგორც უკვე იცით, 25 აპრილს ნეპალში საშინელი მიწისძვრა მოხდა, რომელსაც ნგრევა და დიდძალი მსხვერპლი მოჰყვა. გარდაცვლილების რიცხვი დღითიდღე იზრდება, მაგრამ სასწაულებრივი გადარჩენის ისტორია ოთხი თვის ბავშვისა, რომელმაც ნანგრევებში მთელი 22 საათი გაატარა, იმედით აღავსებს იმ ადამიანების ახლობლებსა და ნათესავებს, რომლებიც ნანგრევებში არიან მოყოლილნი და დღემდე ეძებენ.

გვიან ღამემდე ეძებდნენ მაშველები მიწასთან გასწორებული სახლის ნანგრევებში პატარა სონიტას. ბიჭუნას მამას შვილის პოვნის ყოველგვარი იმედი უკვე გადაწურული ჰქონდა.

როცა მაშველები უკვე წასვლას აპირებდნენ, მამამ ბავშვის ტირილის ხმა გაიგონა და სამძებრო სამუშოები კვალავ განახლდა.

ნანგრევებში მათ პატარა ხელი დაინახეს და კიდევ უფრო დააჩქარეს გამწმენდი სამუშაოები. ბოლოსდაბოლოს მაშველებმა მიაკვლიეს სონიტას. გასაოცარი იყო ის, რომ პატარას სერიოზული დაზიანება და მოტეხილობები არ აღენიშნებოდა, ის მხოლოდ დასუსტებული იყო შიმშილისაგან.

ბავშვი მედიკოსებს გადაეცა გასასინჯად და დაკვირვებისათვის. ის ნორმალურად გრძნობს თავს და მალე დაუბრუნდება თავის მშობლებს.