ტკბილეული შემწვარი რძე - უგემრიელესი ესპანური დესერტი 2015, 14 აპრილი, 14:39 შემწვარი რძე — რას აღარ მოიფიქრებენ ეს იმპულსური ესპანელები! ეს უგემრიელესი დესერტი თავისი გემოთი და ორიგინალურობით ნამდვილად მოხიბლავს თქვენს სტუმრებს. მისი მომზადება კი იმდენად მარტივია, რომ სრულიად გამოუცდელი დიასახლისიც კი წარმატებით გაართმევს თავს.
ინგრედიენტები: კვერცხი 3ცალი ფქვილი 300 გ. შაქარი 150 გ. ვანილი 1 ჩ.კ. დარიჩინი 0.5 ჩ.კ. რძე 0.5 ლ. კარაქი 150 გ. საფანელი - 250 გ. ნახევარი ლიმონის ცედრა ზეთი შესაწვავად კარაქი მოვათავსოთ ქვაბში და დავდგათ ცეცხლზე. როცა გალღვება, ქვაბში ჩავყაროთ ფქვილის საერთო რაოდენობიდან 2/3 და თან განუწყვეტლივ ვურიოთ ხელის სათქვეფით. გავაგრელოთ რევა კიდევ 2 წუთი, ისე, რომ ცეცხლიდან არ გადმოვდგათ. ჩავყაროთ შაქარი და ისევ კარგად ავურიოთ. დავამატოთ ლიმნის ცედრა და დარიჩინი. ჩავასხათ რძე, ვურიოთ მანამ, სანამ კრემი დუღილს დაიწყებს. ამის შემდეგ გადმოვდგათ ცეცხლიდან. ცოტა გავაგრილოთ (დაახლოებით 5 წთ.) მანამდე კვერცხის გულები და ცილები გავაცალკევოთ. ჩავათქვიფოთ თბილ მასაში კვერცხის გულები თითო-თითოდ, ვთქვიფოთ ხელით სწრაფად, რათა კვერცხმა მოხარშვა არ მოასწროს. ფართო, ნაკლებად ღრმა ჭურჭელზე წავუსვათ ზეთი და მოვაფრქვიოთ საფანელი. ჩავასხათ მიღებული კრემი და მოვასწოროთ ზედაპირი (კრემის მასა უნდა იყოს დაახლოებით 2 სმ. სისქის). გავაგრილოთ და შემდეგ შევდოთ მაცივარში 3 საათით. გაცივებული კრემი გამოვიღოთ, დავჭრათ კვადრატებად, რომბებად ან სამკუთხედებათ, ჩვენი სურვილისამებრ. ავთქვიფოთ კვერცხის ცილები. კრემის თითოეული ნაჭერი ამოვავლოთ ჯერ ფქვილში, შემდეგ კვერცხის ცილაში, ბოლოს კი - საფანელში. შევწვათ დიდი რაოდენობით მდუღარე ზეთში ძალიან სწრაფად. უნდა მივიღოთ ხრატუნა ქერქი, შიგნით თხევადი კრემით. გადავიტანოთ ქაღალდის ხელსახოცზე ზედმეტი ცხიმის მოსაშორებლად. შეგვიძლია მოვასხათ მურაბის წვენი ან ხილფაფა. თუმცა ესპანეთში ამ დესერტს ზემოდან ლიქიორს ასხამენ, ცეცხლს უკიდებენ და სუფრაზე ისე მიაქვთ. 766 9-ს მოსწონს 1-ს არა
|