ეს საოცრად ამაღელვებელი ფოტო ინტერნეტში გამოქვეყნებისთანავე ნამდვილ ჰიტად იქცა და მილიონობით მომხმარებლის გული დაიპყრო. ფოტოზე ასახულია ტრაგიკული მომენტის ძალიან ემოციური კადრი: სასწრაფო დახმარების ექიმი, რომელიც ვერაფრით ეგუება 19 წლის პაციენტის სიკვდილს. ექიმი, რომელმაც საკუთარი უძლურება იგრძნო, ვეღარ მოერია ემოციებს, გავიდა მოშორებით, ხელით მოაჯირს დაეყრდნო და ჩაიმუხლა.

ეს ჟესტი ამტკიცებს, რომ ყველა ექიმი სულაც არის ისეთი ცივსისხლიანი და უგრძნობი, როგორც ეს ხშირად გვეჩვენება. ბევრ მათგანს შეუძლია სხვისი ტკივილის გაზიარება და თანაგრძნობა. ფოტოზე გამოსახული ექიმისთვისაც ალბათ ეს პაციენტის დაღუპვის პირველი შემთხვევა არ იყო, მაგრამ ამჯერად, უბრალოდ, ვეღარ შეძლო ასეთი დარტყმის ატანა და ემოციების შეკავება.

ფოტო გადაიღო ექიმის მეწყვილემ. მანვე განაცხადა, რომ კოლეგა მთელი ძალით ცდილობდა 19 წლის ბიჭისთვის სიცოცხლე შეენარჩუნებინა, მაგრამ ეს შეუძლებელი აღმოჩნდა.