საქართველოში სიყვარულის დღე 15 აპრილი ახლოვდება და ვფიქრობთ აღნიშნული ინფორმაცია, რომელსაც მსოფლიო სააგენტოები ავრცელებენ - საინტერესო უნდა აღმოჩნდეს, მითუმეტეს მაშინ როცა ჩვენს ქვეყანაში სნობიზმისა და გოიმობის ხანა მეფობს და ტრაფარეტულ ფრაზას " - რა საჭიროა სიყვარულისთვის ერთი კონკრეტული დღე 15 აპრილი, როცა ჩემთვის ყოველი დღე სიყვარულისაა" - უკვე ზუსტად ყველაზე გოიმურ ფრაზათა ათეულში ლიდერობს.

როგორც აღმოჩნდა, ამ ლამაზ სიმბოლურ სადღესაწაულო თარიღს 15 აპრილს, იმაზე მეტი დატვირთვა ქონია, ვიდრე ეს აქამდე გვეგონა, რადგან კატასტროფულმა ინფორმაციამ, რომელიც ვრცელდება - წესით "მოსიყვარულე" ქართველები შოკში უნდა ჩაგვაგდოს.

რამდენიმე თვის წინ მსოფლიო საერთაშორისო სოციოლოგიური კვლევის სააგენტო Gallup Organization-მა კვლევა მსოფლიოს 136 ქვეყანაში ჩაატარა. ინტერვიუარებს ერთი კითხვით მიმართავდნენ: - რამდენად ბევრჯერ განიცადეთ გუშინ სიყვარული? - ამ ცოტაარიყოს უცნაურ კითხვას, შინაარსი იმდენად მარტი აქვს, რომ გამოკითხულთა აბსოლუტურმა უმრავლესობამ სწორი და გარკვეული პასუხი მისცა სოციოლოგიურ სამსახურს, კვლევის მიხედვით, გლობალური სიყვარულის რეიტინგში საქართველო 132-ე ადგილზე აღმოჩნდა, ანუ ბოლოდან მეხუთე.

საფრანგეთი და იტალია მთელს მსოფლიოში, სიყვარულსა და რომანტიზმთან ასოცირდება, თუმცა როგორც მსოფლიო კვლევების მიხედვით აღმოჩნდა სიყვარულს ყველაზე მეტად - ფილიპინებში განიცდიან ადამაინები.