საუდის არაბეთის პრინცესა დინა აბდულაზიზ ალ საუდი მთელ მსოფლიოშია ცნობილი თავისი განუმეორებელი შარმითა და სტილით. წარმოშობით პრინცესა საკმაოდ მაღალ წრეს მიეკუთვნება და შესანიშნავი აღზრდა და განათლება აქვს მიღებული. მოდით მის მაგალითზე თვალი გადავავლოთ, თუ როგორ ცხოვრობენ პრინცესები თანამედროვე არაბულ სამყაროში.

პრიცესა დინა ექსკლუზიური ბუტიკის “D’NA”-ის მფლობელია, ამ სალონის კლიენტად გახდომა მხოლოდ მისი მფლობელის პირადი მიწვევითაა შესაძლებელი.

კოლექციას ბუტიკისათვის დინა საკუთარი ხელით არჩევს, ეყრდნობა რა თავის უზადო, დახვეწილ გემოვნებას და მუსულმანური სამყაროს ტრადიციებს.

მაგალითად, დიზაინერ Diane Von Furstenberg-ის კაბა შეცვლილი იქნა სპეციალურად დინას მოთხოვნით, რათა შესაძლებელი ყოფილიყი მისი ჩართვა ბუტიკის ასორტიმენტში: კაბის მუხლამდე სიგრძე შეიცვალა კოჭებამდე სიგრძით.

ცნობილმა დიზაინერმა კრისტიან ლაბუტენმა თავისი ფეხსაცმლის ერთ-ერთ მოდელს სახელი დინას საპატივცემულოდ დაარქვა.

დინა აბდულაზიზი -მოდების ჩვენებების უცვლელი სტუმარია, მის ნაცნობებსა და მეგობრებში უამრავი ცნობილი დიზაინერია.

პრინცესას საყვარელი აქსესუარი - Charlotte Olympia-ს კლაჩია.

პაპარაცები აღმერთებენ პრინცესას მისი განუმეორებელი, ნათელი სტილის და იმიჯის განუწყვეტელი ცვლილებების გამო.

დინა საკმაოდ დიდხანს ცხოვრობდა ნიუ-იორკში, რამაც შესამჩნევი გავლენა იქონია მის სტილზე.

აქ კი პრინცესა ტრადიციულ არაბულ სამოსში გვევლინება.

აბა ვის არ მოხიბლავს გასაოცრად ჰარმონიული და ორგანული შეხამება აღმოსავლური სილამაზისა და დასავლური ტრადიციებისა: თმის მოკლე ვარცხნილობა და არაბული სამყაროსათვის საკმაოდ თამამი მოკლე კაბები, რომლებიც ხაზს უსვამენ დინას დახვეწილ და ტანად ფიგურას.

დინა გათხოვილია და მისი ქმარი საუდის არაბეთის პრინცი აბდულაზიზ ბინ ნასერ ბინ აბდულაზიზ ალ საუდია. მათ სამი შვილი ჰყავთ: გოგონა და ტყუპი ვაჟები.