ინგლისის ნაკრების ფეხბურთელი ეჭვმიტანილია 15 წლის არასრულწლოვანი გოგონას გაუპატიურებაში და ამის შესახებ ინფორმაციას მხოლოდ DailyMail ავრცელებს. მთელი დღის განმავლობაში არ სახელდებოდა ფეხბურთელის სახელი და გვარი, სოციალური მედია წერდა მხოლოდ იმას, რომ ფეხბურთელი თამაშობს ინგლისის პრემიერ - ლიგაში და ეროვნული ნაკრების წევრიცააო.მაგრამ თანაგუნდელების დაჟინებული მოთხოვნით დღის მეორე ნახევარში მისი ვინაობა გამჟღავნდა და ის ადამ ჯონსონია.ის სამი წლის წინ " მანჩესტერ სიტის" ფეხბურთელი იყო.

გამთენიისას, ადამ ჯონსონი საკუთარ 1, 85 მილიონიან ვილაში აიყვანეს. პოლიციელები სამი უნომრო ავტომობილით, პოლიციის ფურგუნით და სამოქალაქო ტანსაცმელში გამოწყობილები მივიდნენ ფეხბურთელის სახლში."Sunderland" განცხადებაში ვკითხულობთ: - " გაცნობებთ, რომ ვიდრე გამოძიება არ დასრულდება, ადამ ჯონსონი კლუბის წევრი აღარ იქნება".

მეზობლების განცხადებით, ფეხბურთელი საკუთარ ვილაში მეგობარ გოგონასთან ერთად ცხოვრობდა.წყარო კი პირდაპირ უკავშირებს ადამ ჯონსონის სახელს 15 წლის არასრულწლოვანის გაუპატიურებას.პოლიციის პრეს - სამსახურის განცხადებით, დაკავებულია 27 წლის მამაკაცი, რომელსაც ბრალად ედება სექსუალური აქტი 15 წლის არასრულწლოვანთან, ის რჩება ციხეში და აქტიურად თანამშრომლობს პოლიციის ოფიცრებთან.

შეგახსენებთ, რომ ადამ ჯონსონმა სრულიად ბავშვმა დაიწყო სპორტული კარიერის შექმნა და ერთ - ერთ სასკოლო ტურნირში გაიცნეს და აღიარეს.ბრწყინვალე კარიერა " მიდლსბროში" დაიწყო 2010 წელს, სანამ " მანჩესტერ სიტის" ვარსკვლავი გახდებოდა.ამჟამად ფეხბურთელი ოთხწლიანი კონტრაქტით ( რომელშიც 10, 5 მილიონი ევროა გადახდილი), "Сандерленд"

ნახევარმცველი და საკმაოდ წარმატებული ფეხბურთელია. მისი დებიუტი შედგა 2010 წლის 24 მაისს მექსიკის ნაკრებთან ამხანაგური მატჩის დროს.აღსანიშნავია, რომ გერმანიის ნაკრებთან ფინალური შეხვედრის დროს საუკეთესო ფეხბურთელის პრიზი აიღო.ადამ ჯონსონი გამოირჩევა საუცხოო დრიბლინგით და კუთხურის საოცარი უნარით - წერს წყარო.