ზაზა ფაჩულიას “მილუოკი ბაქსი” კალიფორნიაში “ლოს ანჯელეს ლეიკერსთან” 93:101 დამარცხდა.
ზაზა სასტარტო 5-ეულში იმყოფებოდა. ფაჩულიამ პარკეტზე 24 წუთი დაჰყო, ამ დროში ქართველმა ცენტრმა გუნდს 8 ქულა, 7 მოხნა, 1 ჩაჭრა და 1 ბლოკი შესძინა. ზაზამ 6-დან 2 ორქულიანი ჩააგდო და 4-დან ოთხივე საჯარიმო სროლა გამოიყენა.
“მილუოკელთა” რიგებში თურქი ფორვარდი ერსან ილიასოვა 17 ქულით და 12 მოხსნით გამოირჩა.
აშკარაა, რომ ზაზას გუნდს ძალიან დააკლდა ბრენდან ნაითი, რომელიც რამდენიმე დღის წინ “ფინიქს სანსში” გადავიდა.

ლაშა ქოიავა

www.worldsport.ge