ჩირი, თაფლი და ნიგოზი...რა უნდა იყოს ზამთარში ამ პროდუქტებზე უფრო სასარგებლო? ხოლო თუ მათ გავაერთიანებთ და კანფეტის ფორმას მივცემთ უგემრიელეს დესერტს მივიღებთ, რომელიც ერთნაირად მოეწონებათ როგორც ბავშვებს, ასევე დიდებს.

მოსამზადებლად დაგჭირდებათ:

— გარგარის ჩირი (100 გ.);
— ფინიკი (100 გ.);
— შავქლიავის ჩირი(100 გ.);
— ქიშმიში (100 გ.);
— ნიგოზი (50 გ.);
— მიწისთხილი (50 გ.);
— თაფლი (3 ს.კ.);
— სეზამის მარცვლები (50 გ.).

დაჭერით ყველანაირი ჩირი (გარდა ქიშმიშისა) პატარა ნაჭრებად.

დააბლენდერეთ ჩირი და ქიშმიში.

ხორცსაკეპ მანქანაში გაატარეთ ნიგოზი.

ჯამში ერთად აურიეთ ნიგოზი, დაბლენდერებული ჩირი და თაფლი. მიიღებთ ცომისებურ მასას.

გააკეთეთ ბურთულები და ამოავლეთ სეზამის მარცვლებში.