შორენა ბეგაშვილი ყველასათვის ცნობადი მოდელი, მსახიობი და ტელეწამყვანი გახლავთ. მომხიბლელი და სექსუალური ქალბატონი ბევრი ქართველი კაცის ოცნების საგანია. ამჯერად შორენამ ეგვიპტური არდადეგები კახა მამულაშვითან, იგივე მამულიჩასთან ერთად მოიწყო. რა ურთიერთობა აქვს წყვილს და რატომ ისვენებენ ერთად? ამ კითხვებმა საზოგადოება მოიცვა.

მამულიჩას მეუღლე ყველასათვის ცნობადი მომღერალი ლელა წურწუმია გახლავთ. ურთიერთობამ ბევრ წელს გაუძლო. წყვილს ერთი ქალიშვილი, პატარა მარიკო ჰყავთ. ლელასა და მამულიჩას ოჯახი სიმყარითა და ინტრიგების ნაკლებობით გამოირჩევა. კარგი ურთიერთობა აქვთ ქართული შოუბიზნესის სხვა წარმომადგენლებთანაც.

ერთი კვირის მანძილზე კახა მამულაშვილის ცოლის აპლუა შორენა ბეგაშვილმა მოირგო. დიახ, ეს ყველაფერი "მარაო რუსთავი 2"-ის გადაცემის "ჭირვეულის მორჯუების" ნაწილი გახლავთ. ლელა ამ პროვოკაციას სიამოვნებით დასთანხმდა და განმარტა, რომ მამულიჩასთვის ეს ყველაფერი ძალიან საინტერესო იქნება. კახა მაულაშილმა კი ახალი ცოლი არც მეტი და არც ნაკლები ეგვიპტეში წაიყვანა დასასვენებლად. წყვილმა შესანიშნავი დრო გაატარა, თუმცა პატარა კონფლიქტებისაც ვერ ასცდნენ. ქორწინების ბოლო დღეს მამულიჩას ლელამ ჩააკითხა, შორენამ კი ახალ ქმართან, კახუჩელასთან ერთად განაგრძო ეგვიპტური არდადეგები.

შეგახსენებთ, რომ შორენა ბეგაშვილს ერთი ქალიშვილი, ევა ჰყავს. მსახიობის პირადი ცხოვრების ირგვლივ არაერთი ჭორი ვრცელდება. შორენა კი პირად ცხოვრებაზე საუბარს დუმილს ამჯობინებს. გავრცელებული ხმების თანახმად სექსსიმბოლოს რომანი აქვს ბიზნესმენ ირაკლი ნანაძესთან.