საქართველოს 17-წლამდელთა ნაკრები მინსკში მიმდინარე “განვითარების თასზე” IV-VI ადგილისთვის ბრძოლაში ჩაება და პირველი მატჩში მასპინძელთა ნაკრები ვატო არველაძის დუბლის მეშვეობით 2:1 დაამარცხა.
ქართველები კვირას, თბილისის დროით 15:50 საათზე იაპონიის ნაკრებს დაუპირისპირდებიან. აზიელებმა IV-VI ადგილებისთვის ბრძოლაში პირველი შეხვედრა ბელორუსს პენალტების სერიაში აჯობეს (1:1 პენ. 4:3).
გოჩა ტყებუჩავას შეგირდები ევროპის 2015 წლის ჩემპიონატის ელიტრაუნდის მატჩებისთვის ემზადებიან, რომელსაც ჰოლანდიაში ადგილობრივ თანატოლებთან (12 მარტი), ბელგიასთან (14 მარტი) და ჩრდილოეთ ირლანდიასთან (17 მარტი) გამართავენ.
ელიტრაუნდში 8 ჯგუფის 32 ნაკრები მიიღებს მონაწილეობას. პირველადგილოსნები და საუკეთესო 7 მეორეადგილოსანი ფინალურ ეტაპზე მასპინძელ ბულგარეთთან ერთად იასპარეზებენ. ფინალური ტურნირი 6-22 მაისს გაიმართება.
გიორგი ბალახაძე
www.worldsport.ge