თანამედროვე სამშენებლო კომპანიები ათასგვარ სიახლეს სთავაზობენ მომხმარებლებს, რათა მიიზიდონ პოტენციური კლიენტების ყურადღება და ბაზარზე გაიტანონ განსხვავებული დიზაინის მქონე ესა თუ ის სიახლე.
უკვე არავის უკვირს სტანდარტული პროექტებისაგან განსხვავებული კერძო სახლების თუ მრავალბინიანი საცხოვრებელი კორპუსების ნახვა მეგაპოლისში თუ პროვინციებში. კრეატიულმა დიზაინმა უკვე ფართო მოწონება ჰპოვა საზოგადოების სხვადასხვა ფენაში. კომპანიებიც ფულს და ძალას არ ზოგავენ, რათა შექმნან განსხვავებული დიზაინის ფართო მოხმარების საგნები თუ ინვენტარები. მე მინდა მკითხველის ყურადღება შევაჩერო მაღლივი კორპუსებისათვის აუცილებელ ატრიბუტზე-ლიფტზე.
მინდა შემოგთავაზოთ უცნაური დიზაინის მქონე ლიფტების ფოტოკოლაჟი, რომელთა ნახვის მერე დარწმუნებული ვარ ბევრი თქვენგანი ამგვარად გაფორმებული ლიფტით სარგებლობას ვერ გაბედავდა.
თუმცა ვისთვის როგორ, ბევრს ვფიქრობ მოეწონება ამგვარი განსხვავებული დიზაინის მქონე ლიფტი.
ერთი სიტყვით როგორც ამბობენ-"გემოვნებაზე არ დაობენ".