მხატვრობა არარეალური ხელოვნება : 10 არტ - ობიექტი, რომელთა ნახვა გაგაოცებთ 2014, 4 დეკემბერი, 15:15 თანამედროვე ხელოვნება ყოველთვის როდია გასაგები უბრალო ადამიანებისათვის. ამიტომ გასაკვირი არაა, რომ ხშირად ხელოვნებთმცოდნეები საათობით უხსნიან ობივატელებს ამა თუ იმ უცნაურ ნახატში ან ინსტალაციაში ჩადებულ აზრსა თუ ჩანაფიქრს. ჩვენდა საბედნიეროდ, არსებობენ თანამედროვე მხატვრები, რომელთაც შესწევთ უნარი, არამარტო შოკში ჩააგდონ მნახველები, არამედ გააცინონ, სასიამოვნოდ გააოცონ და დააფიქრონ ისინი ცხოვრებისეულ პრობლემებზე. ამის მტკიცებულებაა ქვემოთ მოყვანილი ნაკრები სააგენტო Reuters-ის ფოტოსამსახურისა, სახელწოდებით "არარეალური ხელოვნება".
ბევრი თანამედროვე მხატვარი ამშვენებს თავისი ნახატებით ქალაქის ქუჩებსა და შენობების კედლებს. როგორც ჩანს, სწორედ აქედან მოდის მათი ინტერესი დიდი ფორმების მიმართ. ეს დიდი ხანდახან უზარმაზარადაც კი გადაიქცევა ხოლმე. ამაში დავრწმუნებით, თუ ვნახავთ ესპანელი მხატვრის კრისტინა ლუკასის ნახატს, სახელწოდებით "ალისა". ეს უზარმაზარი ერბოკვერცხი კი ავსტრალიელი მხატვრის ჯერემი პარნელის ნამუშევარია სიდნეის პლაჟზე. ავტორის სიტყვით, მას მუზა ეწვია მაშინ, როცა დაინახა, თუ როგორ "იხრუკებოდა" ათასობოთ ადამიანი მზეზე. თანამედროვე ხელოვნება დროგამოშვებით ცინიკურიც კია. შეხედეთ თუნდაც ამ ნამუშევარს - ჯეკ რასელ ტერიერის ფიტულს წარწერით :"მე მკვდარი ვარ". ეს "შედევრი" ინგლისელ მხატვარს დევიდ შრიგლს ეკუთვნის და ის წარმოდგენილი იყო ლონდონის გამოფენაზე. ვინსენტ ჰუატის შედარებით ნაკლებად შემზარავი, მაგრამ საკმაოდ საშიში კომპოზიცია სახელწოდებით "თვითმკვლელი პინგვინები", როგორც ხვდებით, ეძღვნება გლობალურ დათბობას და მოთავსებულია ტემზის ხიდის ქვეშ. ავსტრალიელმა ნიკ სავასმა ეს კომპოზიცია 50 000 - ზე მეტი ბურთულისგან შეადგინა. მიღებულ შედევრს ავტორმა უწოდა " ატომიქსი-სავსე სიყვარულითა და სასწაულით". ბურთულები ლამაზად იფანტება გარშემო ათობით ვენტილატორიდან მონაბერი ჰაერით. საიმონ ბირჩის ეს კომპოზიცია, სახელწოდებით "ნამსხვრევებიდან გამომძვრალი", გამოფენილია ჰონკონგში, თანმამედროვე ხელოვნების ნიმუშების გამოფენაზე. და ისევ გიგანტომანია: რობერტ ტერიენის მონუმენტური ავეჯი ბელფასტში. უკანასკნელი წლების კიდევ ერთი მოდური მიმდინარეობა ხელოვნებაში-ჰიპერრეალისტური სკულპტურებია, რომლებიც თავგზას უბნევს გაუთვითცნობიერებელ მნახველს. აი, მაგალითად, იან ვან დე ვეგის სკულპტურა, გამოფენილი მაიამიში. თვალებს არ უჯერებთ, არა? .. ცნობისათვის, სკულტურა ფოტოზე მარცხნივაა და არა მარჯვნივ. აი ეს გოლიათი კი ნამდვილ ადამიანში არასოდეს აგერევათ. ავსტრალიელი რონ მოუეკის სკულპტურა " ველური ადამიანი" დიდი პოპულარობით სარგებლობს მნახველებში. და ბოლოს, მინდა შემოგთავაზოთ გაცილებით სასიამოვნო სანახაობა: ბრაზილიელმა მხატვარმა ედუარდო სრურმა ეს სკულპტურა სან-პაულოს ხიდზე მოათავსა. ავტორის თქმით, სკულპტურის დანიშნულებაა ყურადღება გაამახვილოს მდინარეების დაბინძურების პრობლემაზე. საინტერესოა, რომელიმე თქვენგანს თუ მოუვიდა აზრად, რომ კომპოზიციაში ეს აზრი იყო ჩადებული. 119 9-ს მოსწონს
|