გამბიის პრეზიდენტის ბრძანებით აამოქმედეს კანონი, რომლის მიხედვითაც განსხვავებული ორიენტაციის პირს სამუდამო პატიმრობას მიუსჯიან.
გამბიის პრეზიდენტის ბრძანებით გამბიაში აამოქმედეს კანონი, რომლის მიხედვითაც ჰომოსექსუალიზმში ეჭვმიტანილს ბრალის დამტკიცების შემთხვევაში მუდმივ პატიმრობას მიუსჯიან.
გამბიის პრეზიდენტმა "Yahya Jammeh" ხელი მოაწერა კანონის ამოქმედებას, რომელიც ითვალისწინებს ჰომოსექსუალიზმისათვის (განსაკუთრებული სიკაცრით დაისჯებიან შიდსით ან ვენერიული დაავადებით დაავადებული ლესბოსელებიც) გამბიის მოქალაქის მუდმივი პატიმრობით დასჯას, იუწყება Associated Press.
კანონი ასევე იმოქმედებს განსხვავებული ორიენტაციის პირებზეც, რომლებიც ადრე სამართლებრივად იყვნენ განსაზღვრული ვადით დასჯილნი. კანონპროექტზე ხელი ჯერ კიდევ 9 ოქტომბერს იქნა ხელმოწერილი, მაგრამ მისი ამოქმედება მოხდა ახლა. 7 ნოემბრიდან გამბიაში დააკავეს 8 პირი, რომლებიც იყვნენ ეჭვმიტანილნი არატრადიციულ ორიენტაციაში.
გამბიის პრეზიდენტმა ჯერ კიდევ 2008 წელს მიმართა საჯარო გამოსვლისას ქვეყნის განსხვავებული ორიენტაციის წარმომადგენლებს, დაეტოვებინათ ქვეყანა, წინააღმდეგ შემთხვევაში მათ თავების "დაყრით" დაემუქრა.
ამ კანონის ამოქმედებამდე გამბიაში მოქმედი კანონმდებლობით ჰომოსექსუალური ორიენტაციის პირი ისჯებოდა 14 წლამდე თავისუფლების აღკვეთით.