გერმანელი კლასიკოსი მწერლის ერიხ მარია რემარკის ერთ-ერთი ყველაზე გახმაურებული რომანის "სამი მეგობარის" გმირმა ერთხელ თქვა :"სირცხვილია იარო დედამიწაზე და არაფერი იცოდე მის შესახებ". ამ პოსტში წარმოდგენილი გასაოცარი ფაქტები თქვენ დაგეხმარებათ არამარტო შეიტყოთ ბევრი აქამდე უცნობი ფაქტი ჩვენი პლანეტის შესახებ, არამედ ნაწილობრივ შეგიცვლით წარმოდგენას სამყაროზე, სიცოცხლეზე, სხვადასხვა ფასეულობებზე.

როგორც ჩანს, ჩვენ - ადამიანები მხოლოდ მცირეოდენი ნაწილი ვართ ამ უკიდეგანო, უზარმაზარ სამყაროში, მაგრამ ეს ფაქტი სრულებითაც არ აკნინებს ადამიანის როლსა და მნიშვნელობას. პირიქით, ის ფაქტი, რომ შენ ხარ ნაწილი რაღაც დიდის და მნიშვნელოვანის, სიამაყეს იწვევს ყველა ადამიანში და აღტაცებაში მოვყავართ იმას, თუ რა ლამაზად და ჰარმონიულადაა ეს სამყარო შექმნილი.

ეს დედამიწაა - სწორედ ის ადგილი, სადაც შენ ცხოვრობ

ეს პლანეტები კი შენი მეზობლები არიან მზის სისტემაში

ეს მანძილია დედამიწიდან მთვარემდე. ის არც ისე დიდი გეჩვენებათ, არა?

მაგრამ ეს მხოლოდ გვეჩვენება. აბა დაფიქრდით: დედამიწასა და მთვარეს შორის მანძილი საშუალოდ უდრის 384 ათას კილომეტრს. გასაოცარია, მაგრამ ამ მანძილში თავისუფლად ეტევა მზის სისტემის ყველა პლანეტა

ეს მხოლოდ უმცირესი ნაწილია იმ ვარსკვლავებისა, რომელთაც შენ ღამეულ ცაზე ხედავ

აბა სცადე და შეადარე დედამიწისა და სატურნის ზომები ერთმანეთს...თუნდაც ერთად აღებული 6 დედამიწაც კი სატურნზე გაცილებით მცირეა

აი, როგორი იქნებოდა სატურნის რგოლები, დედამიწას რომ ეკვროდნენ გარშემო

აი, ასე გამოიყურება ჩურიუკოვ-გერასიმენკოს კომეტა ლოს-ანჟელესთან შედარებით

მაგრამ ეს ჯერ კიდევ არაფერია...აი რამოდენაა დედამიწა მზესთან შედარებით, ხედავ? ის ნამცეცა წერტილი შენი პლანეტაა

აი ასე გამოიყურება დედამიწა მთვარიდან

აი როგორი იქნებოდა შენი მშობლიური პლანეტა მარსიდან დანახული

ასე დაინახავდი დედამიწას, თუ შენ სატურნის რგოლებს იქეთ იქნებოდი

აი ასეთი ნამცეცა იქნებოდა დედამიწა, დანახული პლანეტა ნეპტუნიდან. მათ შორის ხომ "სულ რაღაც" 4, 6 მილიარდი კილომეტრია

აბა შეადარე დედამიწის და მზის ზომები.... რაღაც შესაბრალისად იგრძენი თავი, არა?

აი როგორ გამოიყურება მზე მარსის ზედაპირიდან

მაგრამ ეს ჯერ კიდევ არაა ყველაფერი...იცოდი თუ არა, რომ ცაზე გაცილებით მეტია ვარსკვლავი, ვიდრე დედამიწის ყველა ზღვასა და ოკეანეში ქვიშის ნამცეცი?

ეს ნიშნავს, რომ ცაზე უამრავია მზის ტოლი და მასზე გაცილებით დიდი ზომის ვარსკვლავი. ხედავ, რა ნამცეცაა მათთან შედარებით ჩვენი საყვარელი მნათობი?

ეს ერთ-ერთი გალაქტიკის უნიკალური ფოტოა. ის დედამიწიდან 10 მილიარდი სინათლის წლითაა დაშორებული.როცა ამ ფოტოს უყურებ, ამით შენ იხედები წარსულში მილიარდობით წლის უკან

აი ეს კი უზარმაზარი რძისფერი ნისლეულია, ანუ ირმის ნახტომი. დაახლოებით აქ ცხოვრობ შენ!

ეს კი ფოტოა, გადაღებული ჰაბბის ტელესკოპით. მასზე გამოსახულია უამრავი გალაქტიკა, სადაც ასობით და ათასობით პლანეტა და ვარსკვლავია

ამ ფოტოსურათების ხილვით თქვენ სამყაროს კოსმოსის სიმაღლიდან შეხედეთ. დაფიქრებულხართ იმაზე, რომ ადამიანს სულაც არ აქვს უფლება აღმატებულ არსებად მიაჩნდეს თავი და გაანადგუროს მის ირგვლივ ყოველივე ლამაზი და მშვენიერი?

უყურებ ამ უნიკალურ ფოტოებს და ფიქრობ, რომ ამქვეყნად ყველაფერი შედარებითია. ის, რაც მნიშვნელოვნად მიგვაჩნდა, იქნებ სულაც არ იმსახურებს ესოდენ დიდ ყურადღებას და ზრუნვას. გიყვარდეს და დააფასე სიცოცხლე, დატკბი შენი ცხოვრების ყოველი დღით. ის ხომ მხოლოდ ერთხელ ეძლევა თითოეულ ჩვენგანს!!!