მუსიკა ჯგუფმა არამ ერევანს თბილისო ამღერა 2014, 26 ოქტომბერი, 20:52 ქართულ ჯგუფ "არას" გამოსვლამ სომხურ ფესტივალზე ფურორი მოახდინა.
გასულ ორშაბათს სევანის ტბასთან ახალი ფესტივალი, "BASSevani" გაიხსნა. ფესტივალის პირველივე კონცერტზე მიწვეული იყო ერთი ქართული ჯგუფი - "არა". როგორც "არას" წევრები აცხადებენ, ფესტივალზე პუბლიკა მათ გულთბილად დახვდა და ისეთი სიმღერების შესრულებაშიც აჰყვა, როგორებიცაა "თბილისო", "შუქს ვუქრობთ" და სხვ.
ღონისძიების ბოლოს ადგილობრივმა მსმენელებმა "არა" რამდენჯერმე გამოიყვანეს ბისზე, წევრები ყვავილებით შეამკეს და ადგილობრივი რეზიდენტურა შესთავაზეს. უახლოეს მომავალში, როგორც წევრები აცხადებენ, ჯგუფი აპირებს რამდენიმე სხვა კონცერტის გამართვას როგორც თბილისში, ასევე სომხეთის დედაქალაქში; ამასთან, მათი თქმით, სულ მალე ქართველი მსმენელი იხილავს "არას" დუეტს ერთ ერევანელ ინდი-შემსრულებელთან ერთად, რომლის ვინაობაც ჯერ-ჯერობით საიდუმლოდ რჩება. 465 1-ს მოსწონს
|