2014 წლის მონაცემებით, მსოფლიოში ყველაზე დიდ შენობას - Burj Khalifa-ს კონკურენტი გამოუჩნდა. საუდის არაბეთში მსოფლიოში ყველაზე მაღალ ცათამბჯენს, Kingdom Tower-ს აშენებენ, რომლის სიმაღლეც 1007 მეტრი იქნება. ეს მსოფლიოში პირველი შენობაა, რომლის სიმაღლემაც 1 კილომეტრს მიაღწია. ცათამბჯენის მშენებლობა 2014 წლის 27 აპრილს დაიწყო და ვარაუდობენ, რომ ის 2018 წლისათვის დასრულდება. როგორც Kingdom Tower-ის ოფიციალურ გვერდზე იუწყებიან, მისი მშენებლობისათვის განკუთვნილი ბიუჯეტი 1 230 000 000 აშშ დოლარია. Kingdom Tower დააპროექტა Burj Khalifa-ს არქიტექტორმა, ადრიან სმიტმა. ცათამბჯენს 57 ლიფტი მოემსახურება, რომელთა სიჩქარეც 10 მ/წმ იქნება. ცათამბჯენში ასევე განთავსდება 530 ერთეული საცხოვრებელი და საოფისე ფართი და სასტუმროს 200 ნომერი.