სხვა "შეხვედრა წარსულთან"-ნოსტალგიური საგნები 2014, 2 ოქტომბერი, 10:40 ეს საგნები და ტექნიკა ზოგს ახალგაზრდულ წლებს მოაგონებს, ზოგს ბავშვობას, ხოლო ბევრი ახალგაზრდისთვის ვფიქრობ საინტერესო აღმოჩენა იქნება.აი თუნდაც "გაზიანი წყლის აპარატი", რომელიც ძირითადად მეტროს სადგურებთან იდგა, მაშინდელი კინოთეატრების "ატრიბუტი"-"სათამაშო აპარატები"-საზღვაო ბრძოლა, სატანკო, მაგიდის კალათბურთი, "ამწე-კაუჭი"-მომგებიანი პრიზებით(რომლებიც ახლახან ისევ დაბრუნდა) და სხვა.
მაშინდელ ახალგაზრდებში პოპულარული პორტატული მაგნიტოფონი "ელექტრონიკა", ქართული ტელევიზორი "ივერია"-ც-202, რომელიც 80-იან წლებში თითქმის ყოველ მეორე ოჯახს ჰქონდა, ტრანზისტორი, სადაც საბჭოთა მოქალაქეები ამერიკის ხმას და რადიო "მონტე-კარლოს" უსმენდნენ. ბიჭუნებისთვის საყვარელი საქართველოში დამზადებული "სიხარულის"სათამაშო ავტომობილები, ლიმონათის დასამზადებელი საოჯახო აპარატი, ე.წ "სიფონი", პორტატული კომპიუტერული თამაში "აბა დამაცადეს" პერსონაჟებით და მრავალი სხვა. 436 8-ს მოსწონს
|