ყველასათვის საყვარელი მსახიობის, რობინ უილიამსის გარდაცვალებამ, უცხოური პრესა დააინტერესა, ვინ შეიძლება მიბაძოს მსახიობს, რომელიც ფსიქიატრიულ დაწესებულებაში მკურნალობდა
და სიცოცხლე სუიციდით დაასრულა. ამ სტატიაში გთავაზობთ, ცნობილ ადამიანებს, რომლებმაც ცხოვრების გარკვეული პერიოდი ფსიქიატრიულ დაწესებულებებში გაატარეს და მათგან ყველაფერია
მოსალოდნელი, რადგან ფსიქიკური პრობლემების დაძლევა არც ისე მარტივია და არავინ იცის, როდის იჩენს ის თავს.


ქეთრინ ზეტა-ჯონსი - მსახიობს ბიპოლარული აშლილობა აწუხებს. მან 2011 წელს თავადვე მიმართა სილვერ ჰოლის ჰოსპიტალს, სადაც 5 დღე გაატარა.

სიუზენ მარგარეტ ბოილი - შოტლანდიელმა თვითნასწავლმა მომღერალმა საერთაშორისო აღიარება მოიპოვა 2009 წელს ბრიტანულ
სატელევიზიო გადაცემა Britain's Got Talent-ში. მან მსოფლიო აღიარების მიუხედავად, კონკურსში ვერ გაიმარჯვა და მე-2 ადგილი დაიკავა. სწორედ ამ ამბავმა იმოქმედა მასზე და მომღერალი ფინალის მეორე დღეს ჰოსპიტალში მოათავსეს. მისი გამოჯანმრთელების იმედი არავის ჰქონდა, მაგრამ საბედნიეროდ, მხოლოდ 3 დღე მოუწია ვარსკვლავს იქ ყოფნა.

კერი ფიშერი - მსახიობი ყველაზე ცნობილი ფილმ „ვარსკვლავურმა ომებმა“ გახადა. მან ერთ-ერთ ინტერვიუში აღიარა, რომ უკვე რამდენიმე ათწლეულია, რაც მას ბიპოლარული აშლილობა აწუხებს. ის მას პირველად 25 წლის ასაკში დაემართა.

სტივენ ტაილერი - მომღერალს დეპრესია და მენტალური პრობლემები უკვე დიდიხანია აწუხებს, რაც ნაწილობრივ ნარკოტიკებმაც გამოიწვია. ის პირველად 1986 წელს მოათავსეს ფსიქიატრიულში სამკურნალოდ. მოგვიანებით კი, მან სამკურნალო დაწესებულებას, 2009 წელს
თავად მიმართა.

ბრიტნი სპირსი - 2007 წელს მომღერლის საავადმყოფოში მოთავსებამ დიდი აჟიოტაჟი გამოიწვია. ის მკურნალობაზე შვილის წართმევის შიშის გამო დათანხმდა და დაახლოებით 1 კვირა გაატარა საავადმყოფოში.

როზანა ბარი - მსახიობმა 8 თვე გაატარა ფსიქიატრიულ დაწესებულებაში მას შემდეგ, რაც 16 წლისამ გამოიწვია საშინელი ავტოავარია. მომხდარმა მძიმედ იმოქმედა მსახიობზე, რაც ხშირად ახსენებს თავს.