მაია ჯაბუას 16 წლის ქალიშვილს, ლიზა ყენიას მთელი საქართველო იცნობს. პროფესია უკვე აირჩია, უნდა ოპერის მომღერალი იყოს. გოგონას უცხო გარეგნობა აქვს და როგორც არ უნდა შეეცადო წუნს ვერაფერში დასდებ.

ლიზა ხშირად გვანებივრებს თამამი ფოტოებით. თვლის რომ მათში არაესთეტიური და გამომწვევი არაფერია. ლიზას ფოტოებს მეგობარი ელენე ჯანიაშვილი უღებს, თუმცა სოციალურ ქსელში მის "სელფშოტებსაც" ხშირად წააწყდებით.

"ყოველთვის ჩვეულებრივი ვარ და იმისთვის, რომ ხალხის ყურადღება მივიქციო, არაფერს არ ვაკეთებ. მაგრამ რაც უნდა გავაკეთო, რატომღაც ჩემგან მაინც გამომწვევად ჩანს. არ ვიცი, რატომ ხდება ასე. არასდროს ვიღებ არაესთეტიკურ ფოტოებს. ჩემი სამოსი ისეთია, როგორიც აცვია ნებისმიერ ჩვენგანს"-ამტკიცებს ლიზა. შეგახსენებთ, რომ ლიზამ სიმღერა ბავშვობიდან დაიწყო. მონაწილეობდა "რუსთავი 2"-ის პროექტ "ანაბანაში", რამდენიმე წლის შემდეგ საბავშვო ევროვიზის შიდაშესარჩევ ტურში გაიმარჯვა და საქართველო კონკურსზე წარადგინა. (ლიზა ჯგუფ "პრინცესების" შემადგენლობაში იყო, როდესაც საბავშვო ევროვიზიაზე საქართველო წარადგინა.) ახალგაზრდა მომღერალი ტელეკომპანია "იმედის" პროექტ "ნუცას სკოლის" ფინალისტიც გახლდათ, რამდენიმე თვის წინ კი "ახალ საბავშვო ხმაშიც" მიიღო მონაწილეობა. ის ეკა კახიანის გუნდის წევრი გახლდათ.

ვუსურვოთ ახალგაზრდა მომღერალს წარმატებები და ბედნიერი მომავალი..