ზოგადად, ტერმინი „ილუსტრაცია“ შეიძლება გაგებულ იქნეს როგორც ფართო, ისე ვიწრო მნიშვნელობით. პირველ შემთხვევში, ილუსტრაციად ითვლება ყოველგვარი გამოსახულება, რომელიც ხსნის
ტექსტს. მეორე შემთხვევაში, ილუსტრაცია - ესაა ნაწარმოები განკუთვნილ ტექსტთან მთლიანობაში აღსაქმელად. ასეთი ილუსტრაციები ტექსტის გარეშე შეიძლება ნაკლებად გასაგები და
გამომსახველი იყოს. ილუსტრაცია, ჩვეულებისამებრ, არაა დამოუკიდებელი ნაწარმოები, სიუჟეტის მხრივ, შეესატყვისება ლიტერატურული ნაწარმოების შინაარსს, გამოკვეთს ნაწარმოების
იდეას, ამასთან, უფრო მკაფიოდ წარმოსახავს მოცემულ ეპოქას,
პერსონაჟთა გარემოს და ა.შ.
ილუსტრატორმა ალექს სოლისმა, რომელსაც იუმორის არაჩვეულებრივი გრძნობა აქვს, შექმნა ილუსტრაციები, რომლებიც რეალური საგნების დახმარებით, ყოველგვარი ტექსტებისა და ლიტერატურული ნაწარმოების გარეშე გვაძლევს აღქმის საშუალებას. ეს იუმორისტული ილუსტრაციები ძალზედ პოპულარულია და მას მიმდევრებიც გამოუჩნდნენ. ეს არის ყველაზე მარტივი, ყველა დამწყები მხატვრის მიერ იოლად შესასრულებელი ნახატები, მაგრამ ყველაფერს მოფიქრება უნდა. ზოგიერთი პროფესიონალური ნახატებით ვერ იმკვიდრებს ადგილს, ზოგი კი ამ უმარტივესი ილუსტრაციებით მსოფლიოს იპყრობს.