არქიტექტურა მთელი სამყარო ერთ ოთახში - ულამაზესი შპალერების კოლექცია 2014, 1 აგვისტო, 15:00  როგორც წესი, რემონტის დროს ყველაზე მეტ დროს ადამიანები შპალერის შერჩევასა და ინტერიერზე ფიქრს ანდომებენ, რომელსაც უამრავი დრო და ენერგია მიაქვს. რთულია არჩევანის გაკეთება ხარისხის, ფერის და სხვა დეტალების მიხედვით. სწორედ ამიტომ, არსებობენ ადამინები, რომლებიც რა თქმა უნდა გარკვეული ანაზღაურების სანაცვლოდ ისე გააკეთებენ ამ ყველაფერს, რომ თქვენ გაფიქრებასაც კი ვერ მოასწრებთ. ამ ადამიანებს ინტერიერის დიზაინერები ჰქვიათ..... ინტერიერის დიზაინი 21-ე საუკუნის მსოფლიოში ერთ-ერთი პროგრესირებადი და საჭირო პროფესია არის. დღესდღეობით, უამრავი ადამიანი მუშაობს, რომ ჩვენამდე დახვეწილი და გემოვნებიანი ნამუშევრები მოიტანონ. ამ საქმეში წამყვანი ელემენტი კი კრეატივი არის. ერთ-ერთმა ამერიკულმა კომპანიამ, რომელიც ამ სფეროში წარმატებულად მოღვაწეობს, გადაწყვიტა, სრულიად ახალი, განსხვავებული და ულამაზესი შპალერების კოლექცია შეექმნა, რომელზეც ბუნების შედევრები და მსოფლიოს ულამაზესი ადგილები არის ასახული. კედელზე გაკვრის შემდეგ ისეთ შთაბეჭდილებას ქმნის, თითქოს კედლის მიღმა, მთელი სამყარო არის. მსგავს ოთახში ყოფნისას თავი ბუნებაში წარმოგიდგენია და დადებითი ემოციებით ივსები. მსგავსი ტიპის შპალერებს როგორც წესი, საძინებლებისთვის იყენებენ. თუმცა, ის ნებისმიერ ოთახში წარმოუდგენელ ეფექტს ქმნის. 
 224 8-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
