Pterocarpus angolensis- ხე, რომელსაც აქვს სწორედ ეს სახელწოდება და მეორე ნაირად "სისხლ მდინარე ხე"-საც უწოდებენ, 12-18 მეტრი სიმაღლის იზრდება, მუქი ყავისფერი უხეში ქერქით, ქოლგისებური გვირგვინითა და ყვითელი ყვავილებით. ხარობს სამხრეთ აფრიკაში. განსაკუთრებული "პტეროკარპუსში" არის ის, რომ მას სისხლისმაგვარი მუქი წითელი შეფერილობის სითხე სდის, რომელიც დიდ როლს თამაშობს დაზიანებული ხის სიცოცხლის შენარჩუნებაში, ანუ მარტივად რომ ვთქვათ ამ სითხეს ხისთვის განსაკუთრებული სასიცოცხლო მნიშვნელობა გააჩნია და თქვენ წარმოიდგინეთ არამარტო ხისთვის.

რა დანიშნულება აქვს და რაში გამოიყენება "პტეროკარპუსის" სისხლი?

მაშასადამე მას ფართო მოხმარება აქვს სხვადასხვა ნივთიერებათა კომბინაციაში, როგორც საღებავი; ასევე ცხოველურ ცხიმებთან მისი შერევით აწარმოებენ კოსმეტიკურ საშუალებებს; სისხლდენის დროს შეუცვლელია იგი, ვინაიდან შეფერილობით და კონსისტენციით ახლოსაა ნამდვილ სისხლთან; გამოიყენება სხვადსახვა მწვავე ტკივილებისას, თვალის პრობლემების, მალარიის, კუჭის ტკივილების დროს და დედის რძის გასანოყიერებლად.

გარდა სამკურნალო თვისებებისა პტეროკარპუსისგან ამზადებენ ავეჯს, რომელიც თავისი ბუნებრივი მაღალხარისხიანობის გამო ადვილად არ ფუჭდება, ამიტომ ავეჯსაც შესაბამისად მაღალი ხარისხი და ფასი აქვს. განსაკუთრებით გამოიყენება კატარღების წარმოებაში და კენიაში კი საშხაპეებისთვის.

სწორედ მისი ასეთი შეუდარებელი, სასწაულებრივი თვისებებისა და ხარისხის გამო სამხრეთ აფრიკის ხალხმა უკონტროლოდ იწყო ხეების მოჭრა გარკვეული მიზნებისთვის, რის გამოც ბოლო ათწლეულის განმავლობაში პტეროკარპუსი გადაშენების პირასაა.