x
image
worldsport.ge
რონალდუ - ისევ კითხვის ნიშნის ქვეშ

imageუკვე ნაცნობი ინფორმაციაა, კრიშტიანუ რონალდუს ტრავმა. ესპანური პრესის ცნობით, მადრიდის "რეალის" პორტუგალიელ თავდამსხმელს კვლავ მუხლის პრობლემები აქვს და “სამეფო კლუბს” ამერიკის შეერთებულ შტატებში წინასასეზონო მოსამზადებელ ეტაპზე შაბათს შეუერთდება.
აგრეთვე მოსალოდნელია, რომ 12 აგვისტომდე რონალდუმ ტრავმა ბოლომდე ვერ მოიშუშოს და ევროპის სუპერთასის მატჩი "სევილიის" წინააღმდეგ გამოტოვოს.
ბრაზილიაში გამართულ მსოფლიო ჩემპიონატზე პორტუგალიელის შესახებ, მსგავსი ინფორმაციები მრავლად ვრცელდებოდა. ჯგუფური ეტაპის პირველ მატჩამდე გერმანიის წინააღმდეგ (0:4), კრიშტიანუს თამაში კითხვის ნიშნის ქვეშ იდგა, თუმცა თავდამსხმელმა შეხვედრა ბოლომდე ჩაატარა.
შესაძლოა, რონალდუს ანდალუსიელთა წინააღმდეგ ვერგამოსვლა კვლავ ჭორი გამოდგეს. მადრიდელთა ექიმები ყველაფერს გააკეთებენ, რათა “სამეფო კლუბის” ლიდერმა "რეალს" კიდევ ერთი ტიტულის მოპოვებაში გაუწიოს დახმარება.

გიორგი ბალახაძე

www.worldsport.ge

0
36
შეფასება არ არის
ავტორი:worldsport.ge
worldsport.ge
36
  
კომენტარები არ არის, დაწერეთ პირველი კომენტარი
0 1 0