საფრანგეთში ჩატარებული ამხანაგური მატჩების შემდეგ, დონეცკის "შახტარის" ექვსმა ფეხბურთელმა, უკრაინაში მიმდინარე დაძაბული ვითარების გამო, უკან დაბრუნებაზე უარი განაცხადა. აღნიშნულ ინფორმაციას Canal+ ავრცელებს.
ექვსი ფეხბურთელიდან ხუთი სამხრეთ ამერიკელია და მათი ვინაობა უკვე ცნობილია: ბრაზილიელები დუგლას კოსტა, ფრედი, დენტინიო, ტეიშეირა და არგენტინელი ფაკუნდო ფერეირა. მეექსვსე ფეხბურთელის ვინაობა ჯერჯერობით უცნობია.
ზემოთნახსენები ფეხბურთელები "შახტარის" საკვანძო მოთამაშეები არიან. კოსტას და ტეიშეირას უკრაინის ჩემპიონატი 5-ჯერ აქვთ მოგებული, ხოლო ქვეყნის თასი და სუპერთასი - 3-ჯერ.
დონეცკელებს უკრაინის სუპერთასის მატჩი, პრინციპულ მეტოქესთან კიევის "დინამოსთან" 22 ივლისს ელოდება.
გიორგი ბალახაძე
www.worldsport.ge