კოლუმბიის ეროვნული ნაკრების ფეხბურთელმა ხუან კამილო ზუნიგამ, მეოთხედფინალურ დაპირისპირებაში "სელესაოს" და "ბარსელონას" ვარსკვლავს ნეიმარს ხერხემლის ტრავმა მიაყენა. შედეგად ბრაზილიელთა ახალგაზრდა იმედმა მუნდიალი ნაადრევად დაასრულა, ხოლო კოლუმბიელი ფეხბურთელი ბრაზილიის მტერი ძალიან მცირე დროში გახდა.
ბრაზილიელებს და მსოფლიოს გარშემო "სელესაოს" გულშემატკივრებს ზუნიგა ეჯავრებათ, თუმცა თავად ფეხბურთელი აცხადებს, რომ ასეთი სავალალო შედეგის გამოწვევა არ უნდოდა.
"ჩვენ გოლის გატანა გვინდოდა და ძალიან დაძაბული შეხვედრაც მიმდინარეობდა. ბრაზილია ძალიან ძლიერი გუნდია, მინდოდა ბრძოლა არ დამეთმო და ბურთი დამრჩენოდა. ნეიმარისთვის ტრავმის მიყენება არც მიფიქრია, უბრალოდ პოზიციისთვის ბრძოლა მიმდინარეობდა და სამწუხაროდ ცუდი შედეგი მივიღეთ." - განაცხადა ზუნიგამ.

გიორგი ბალახაძე
www.worldsport.ge