წყალტუბოს მუნიციპალიტეტის სოფელ ჩუნეს 200-მდე ოჯახი დახმარებას ითხოვს. როგორც მოსახლეობა ამბობს, მე-5 დღეა გაურკვეველი პიროვნება მოძრაობს, რომელიც სხვადასხვა მიმართულებით ქვებს ისვრის.

"ხუთი დღის განმავლობაში ყოველ საღამოს ჩემს ეზოში ქვები ცვივა, გარეთ გამოსვლის შემდეგ კი, უცნობი პიროვნება სახლის უკან მდებარე ყანებში გარბის და იმალება. მოსვენება გვაქვს დაკარგული მთელს ოჯახს. მსგავსი არაფერი გვინახავს. ალბათ ეს გარდაცვლილის სულია, რომელიც ყოველ ღამე გვაშინებს. პოლიციაც კი იყო მოსული და რამდენიმე დღე ერთად ვყარაულობდით. ვხედავდით, ყანაში როგორ დარბოდა, მაგრამ ვერ დავიჭირეთ, რადგან ხან უხილავი იყო, ხან კიდევ ხილული, "-აცხადებს ერთ–ერთი მოსახლე.

აღნიშნულის შესახებ ინფორმაციას ფლობს წყალტუბოს რაიონული პოლიცია.