კაბები Pronovias საქორწინო კაბების საიუბილეო კოლექციის ჩვენება ბარსელონაში 2014, 26 მაისი, 19:39 საქორწილო კაბების პოპულარულ ესპანურ ბრენდს Pronovias წელს 50 წელი შეუსრულდება. საიუბილეოდ მოდური სახლის ხელმძღვანელებმა მოამზადეს ორდღიანი პრეზენტაცია, რომელმაც დაასრულა საქორწილო მოდის კვირეული ბარსელონაში.
პირველ დღეს Pronovias ჩაატარა გრანდიოზული ჩვენება, რომელსაც უამრავი სტუმარი, მათ შორის ცნობილი ქალბატონებიც დაესწრო. კოლექციაში «Dream Factory» შევიდა 50 სრულიად განსხვავებული სილუეტის კაბა-დაწყებული ტრადიციული ფუშფუშა სამოსის და ე.წ. "ქალთევზას" სტილის კაბებიდან დამთავრებული გამომწვევი მინი და ნახევრადგამჭვირვალე მაქმანიანი მოდელებით. საფინალო გამოსვლა მიანდეს მოდელს კაროლინა კურკოვას, რომელიც პოდიუმზე გამოჩნდა გამჭვირვალე მაქმანებით მოქარგულ კაბაში. შემდეგ კი მაყურებელს ბრენდის ატელიეს თანამშრომლები მიესალმნენ. მეორე დღეს Palau de Congressos საკონფერენციო ცენტრში გაიმართა ბრენდის ოთხივე ხაზის 200 კაბის გამოფენა, რომელიც მოიცავდა Pronovias ძირითად მიმართულებას, მათ შორის Elie Saab-ის კაპსულურ კოლექციას, პატარძლის დედის და მეჯვარეებისთვის განკუთვნილ კაბებს. 196 2-ს მოსწონს
|