ამერიკული ქალაქის კინგსპორტის მცხოვრებმა 19 წლის ქალმა, რომელიც პოლიციამ ავტომობილის მართვის მოწმობის გარეშე მართვისათვის დააკავა, ნამდვილად შეძლო განეცვიფრებინა სამართალდამცავები, როცა ჩხრეკისას მას დატენილი მინი-რევოლვერი აღმოუჩინეს, რომელსაც ის სასქესო ორგანოში ინახავდა.

19 წლის დალას არჩერი პოლიციამ 21 აპრილს დააკავა. იგი მანქანას საბუთების გარეშე მართავდა. მას შემდეგ, რაც არჩერი პოლიციის განყოფილებაში მიიყვანეს, კამერაში მისი მოთავსების წინ გადაწყდა მისი გაჩხრეკა. სწორედ ჩხრეკისას აღმოჩნდა მის საშოში "რაღაც უცნობი საგანი". როცა ოფიცერმა ქალმა ეს საგანი შენიშნა, მან დასახმარებლად მეორე ოფიცერი ქალი გამოიძახა. ერთობლივი ჩხრეკის შედეგმა მრავლისმნახველი პოლიციელებიც კი გააკვირვა.

პოლიციის განცხადების თანახმად, ჩხრეკის შედეგად არჩერის საშოში დატენილი 22 კალიბრის 5-ტყვიიანი მინი-რევოლვერი აღმოჩნდა.

როგორც გაირკვა, რევოლვერი North American ArMI- ის საკუთრებას წარმოადგენს და პირადად 70 წლის ყოფილ სამხედროს ჯონ საუზერის კოლექციის ნაწილი იყო. მონაცემების მიხედვით, ამ რევოლვერის სიგრძე 10 სმ-ს შეადგენს. დამნაშავემ ის ერთი წლის წინ საუზერის მანქანის გაძარცვისას მოიპარა.

"ოჰ, ღმერთო ჩემო, -წამოიძახა საუზერმა, როცა შეიტყო, თუ სად იპოვეს მისი რევოლევრი, ჩემს პატარას ახლა დეზინფექცია დასჭირდება".

არჩერს წაუყენეს იარაღის უკანონო ტარების და კონტრაბანდის შენახვის ბრალდება და ის ციხეში გაუშვეს, თუმცა მალევე გაათავისუფლეს გამოსასყიდის -6000 დოლარის გადახდის შემდეგ.